କବିତା ପର୍ବ : (ଅତିରିକ୍ତ) କବିତା-65
କବିତା ପର୍ବ : (ଅତିରିକ୍ତ) କବିତା-65
ଜୀବ ଶରୀରରେ ଉଦ୍ଦୀପନା ଆଣେ ନର-ନାରୀ ଜୀବରସ,
ହର୍ମୋନ ନାମରେ ସେହି ଜୀବରସ ଚିହ୍ନାଏ ନାରୀ-ପୁରୁଷ |
ନାରୀ ଶରୀରରେ ନର ଜୀବରସ ଥାଏ ଶହେରୁ ଚାଳିଶ,
ଶହେରୁ ଷାଠିଏ ନର ଜୀବରସ ଧାରଣ କରେ ପୁରୁଷ |
ବଢିଲେ କମିଲେ ସେହି ଜୀବରସ ଚରିତ୍ର ବଦଳି ଯାଏ,
ପୁରୁଷ ହେଲେ ବି ନାରୀ ପରି ଚାଳେ ନାରୀ ନର ପରି ହୁଏ |
ଅସଲ ପୁରୁଷ ନାରୀ ହେବାପାଇଁ ଇଚ୍ଛାକରେ କାଳେକାଳେ,
ତପସ୍ୟା କରନ୍ତି ମୁନି-ଋଷି-ସାଧୁ ନିର୍ଜନରେ ବୃକ୍ଷମୂଳେ |
ବୟସ ବଢିଲେ ନାରୀ ଆଚରଣ ପୁରୁଷକୁ ବଳିଯାଏ,
ସେହିପରି ନର ହେଇଯାଏ ଧୀର ନାରୀର ଆଶ୍ରିତ ହୁଏ |
କୋଟି ବ୍ରହ୍ମାଣ୍ଡରେ ଜଣେ ତ ପୁରୁଷ ଚକ୍ରଧାରୀ ବିଷ୍ଣୁ ହରି,
ପୁରୁଷ ହେଉ କି ନାରୀ ଦେହଧାରୀ ସଭିଏଁ କେବଳ ନାରୀ |