Library
Profile
କବିତା ପର୍ବ : (ଅତିରିକ୍ତ) ଗୀତି-କବିତା-44 :ଦେହ : -ଡକ୍ଟର କୃତ୍ତିବାସ ନାୟକ
କବିତା ପର୍ବ : (ଅତିରିକ୍ତ) ଗୀତି-କବିତା-44 :ଦେହ : -ଡକ୍ଟର କୃତ୍ତିବାସ ନାୟକ
1 min
160
ସପନରେ ସିନା ଉଡ଼ିପାରେ ମନ ଦେହଟା କି ଉଡ଼ିପାରେ ?
କୁହୁଡ଼ିରେ ମୋର ମନଟା ପହଁରେ ଦେହ କାନ୍ଦେ ନଦୀଧାରେ | (ଘୋଷା)
ସଜଫୁଲ ସିନା ମହକେ ବାସରେ ସେଥିରେ ରହିଛି ମହୁ,
କାଗଜଫୁଲର ରଙ୍ଗ-ଛବିଠାରୁ ସେ ସବୁ ମିଳିବ କାହୁଁ ?
ତୃଷ୍ଣା ମେଣ୍ଟିବ କି ମରୀଚିକା ପଛେ ଦିନରାତି ଧାଇଁବାରେ ?
ସପନରେ ସିନା ଉଡ଼ିପାରେ ମନ ଦେହଟା କି ଉଡ଼ିପାରେ ?
କୁହୁଡ଼ିରେ ମୋର ମନଟା ପହଁରେ ଦେହ କାନ୍ଦେ ନଦୀଧାରେ | (1)
ତୁମ ମିଠାକଥା ହୃଦୟକୁ ମୋର ସାଉଁଳେଇ ଦିଏ ସିନା,
ଦେହ ଦାହ ମୋର କେମିତି ଲିଭିବ ସେ ହାୱାଟ ପରଶ ବିନା ?
ଦୁଇମନ ଆମ ମିଶିଗଲା ବୋଲି ତୁମପାଇଁ ମନ ଘାରେ |
ସପନରେ ସିନା ଉଡ଼ିପାରେ ମନ ଦେହଟା କି ଉଡ଼ିପାରେ ?
କୁହୁଡ଼ିରେ ମୋର ମନଟା ପହଁରେ ଦେହ କାନ୍ଦେ ନଦୀଧାରେ | (2)
