କବିସୂର୍ଯ୍ୟ ବଳଦେବ

ଉଦୟ ହୁଅ ହେ କବିକୁଳ ସୂର୍ଯ୍ୟ

ବଳଦେବ ମହାରଥ

ପୂରୁବ ଆକାଶ ହେଉ ସମୁଜ୍ଜ୍ୱଳ

ଗୁଞ୍ଜୁ ଗୀତ ଭକ୍ତିପୂତ । 

ରୀତିଯୁଗ କବି ରଚି ଯାଇଅଛ

ସୁନ୍ଦର କବିତା ଚମ୍ପୁ

ଲୋକପ୍ରିୟ କଲ ଢୁମ୍ଫା ସଙ୍ଗୀତକୁ

ଜନ୍ମସ୍ଥାନ ଗଞ୍ଜାମରୁ । 

ଦେଶଜ ଓଡ଼ିଆ ବୈଦେଶିକ ଶବ୍ଦ

କରିଛ ସୁବ୍ୟବହାର

ଗଦ୍ୟ ପଦ୍ୟ କାବ୍ୟ ଚମ୍ପୁ ରଚନାରେ

ଭରିଛ ବାଣୀ ଭଣ୍ଡାର ।

କାହାକୁ କହିବା ଜଗତେ କେବଳ

ରଚନା ହାସ୍ୟକଲ୍ଲୋଳ

ରତ୍ନାକର ଚମ୍ପୁ ଚନ୍ଦ୍ରକଳା କାବ୍ୟ

ରହିଅଛି ଅସମ୍ପୂର୍ଣ୍ଣ ।

କ୍ଷୀରମୟ ସିନ୍ଧୁ ଜେମା ଜୀବବନ୍ଧୁ

ବାଧିଲା କି ଜାଣି କ୍ଷମା

ଚମ୍ପୁ ପ୍ରେମୋଦୟ କିଶୋରଚନ୍ଦର

ଆନନ୍ଦ ଗୋ ରସନା ।

ରାଜା ଗଜପତି ପ୍ରଦତ୍ତ ଉପାଧି

କବିସୂର୍ଯ୍ୟ ମହାପାତ୍ର

ଧନ୍ୟ ରାୟଗୁରୁ ରଥ ବଳଦେବ

ବଡଖେମୁଣ୍ଡି ସୁପୁତ୍ର ।

  ------