କବିର କଥା

କବିଟିଏ ହେଲି କବିତା ରଚିଲି

ମନ ଖୁସି ହେଲା ମୋର ।

ପାଠକେ ପଢିଲେ କବିତାକୁ ମୋର

ଆନନ୍ଦ ହେଲା ଅପାର ।୧।

ଯେତିକି ଯେତିକି ଅଧିକ ପାଠକ

ପଢିଲେ କବିତା ମୋର ।

ସେତିକି ସେତିକି ଅଧିକ ଆନନ୍ଦ

ଲଭି ମୁଁ ହେଲି ବିଭୋର ।୨।

କେତେଜଣ ମୋର କବିତା ପଢିଲେ

ନିତି ଦେଖୁଥାଏ ମୁହିଁ ।

କେତେ ଯେ ତହିଁରୁ ଆନନ୍ଦ ପାଏ ମୁଁ

କିଏ ସେ ପାରିବ କହି ?୩।

ଲାଇକ୍ ରେଟିଂ କଲେ କି ନ କଲେ

ସେକଥା ମୁଁ ଦେଖେନାହିଁ ।

ଫେସବୁକରେ କମେଣ୍ଟ ସେ ଦେଲେ

ମତାମତ ଦିଏ ମୁହିଁ ।୪।

ଷ୍ଟୋରି ମିରରରେ ଦୁଇ ଦୁଇ ଥର

ପାଠକଙ୍କ ମତ ପାଇ ।

ସପ୍ତାହର କବି ହେବାରୁ ସୁଯୋଗ

ଆସିଅଛି ମୋର ପାଇଁ ।୫।

ନାମାଙ୍କନ ମୋର ହୋଇଅଛି ଏବେ

ଦିହଜାର ବାଇଶିର ।

ଶ୍ରେଷ୍ଠ କବି ଭାବେ ଓଡିଆ ଭାଷାର

ପରିଚୟ ହେବ ମୋର ।୬।

ପାଠକଙ୍କୁ ମୋର ଜଣାଏ ଏତିକି

ପଢି ପଢାଅ ଆନକୁ ।

କବିତା ମୋହର ,ବିଜୟୀ କରାଅ

ଭୋଟ୍ ଦେଇ ଏ କବିକୁ ।୭।

ଷ୍ଟୋରି ମିରରର ଏ ଆପ୍ଲିକେସନ

ଘରେ ଘରେ ପହଞ୍ଚାଅ ।

ଭାଷାର ବିକାଶ ପ୍ରୟାସରେ ଏବେ

ସଭିଏଁ ସଂଲଗ୍ନ ହୁଅ ।୮।

କବିତା ପଢିବ କେବେ ନଭୁଲିବ

ଭୋଟ୍ ଗୋଟିଏ ଦେବ ।

ଅନ୍ୟକୁ କହିବ କିପରି ପଢିବେ

ଭୋଟ୍ ଦେଇ ଦିଆଇବ ।୯।