ବ୍ୟାଧି

ବ୍ୟାଧିର ଲକ୍ଷଣ ହିଂସା, ଦ୍ୱେଷ ଆଉ ପ୍ରରଶ୍ରୀକାତରତା

ସମୟ ସହିତ ବଢୁଥାଏ ନିତି ସାଥେ ସ୍ବେଚ୍ଛା ଚାରିତା l

କେତେ ଆଶା ଭରସାରେ ଗଢ଼ିଥିଲେ ପରମ ପିତା

ବ୍ୟାଧି କୁ ଆଦରି ଭୁଲିଲୁଣି ଆଜି ମାନବିକତା l

ମଣିଷ ପଣିଆ ଦୂର୍ମୁଲ୍ୟ ସମ୍ପତ୍ତି ମରତ ଧାମେ

ତାହାକୁ ନଧରି ଅନ୍ତରେ ବୋଲାଇବୁ କେଉଁ ନାମେ l

ପରନିନ୍ଦା ପରଚର୍ଚ୍ଚା ରେ ରତ ରହି ସର୍ବକାଳେ

ଆପଣାର ହିତ ଭୁଲି ତୁ ଗଲୁଣି ଅବହେଳେ l

ଶରୀରର ବ୍ୟାଧି ପାଇଁକି ଔଷଧୀ ଲୋଡ଼ା ପଡେ

ବିଭୁ ପୟରରେ ପ୍ରାଣକୁ ସଂଯୋଗୀ ମନବ୍ୟାଧି ଫେଡେ l

କାହା ସୁଖ ଦେଖି ଜଳିଉଠେ କିଆଁ ଅନ୍ତର

ସମ୍ମୁଖେ ମଧୂର ବାଣୀ ପଛେ ଛୁରା ପ୍ରହାର l

ହଳାହଳ ବିଷ ପୁରାଇ ରଖୁଛୁ ମୁଖେ ହସ

ଏପରି ବ୍ୟାଧିକୁ ବେଳେ ଥାଉ ଥାଉ ନାଶ l

ଦୁର୍ଲ୍ଲଭ ମନୁଷ୍ୟ ଜନମ ଅନାୟାସରେ ଯିବ ସରି

ଆତ୍ମତୃପ୍ତି ଲଭିବା ପାଇଁ କର୍ମ ସୁନ୍ଦର କରି l