କୌଠି ଅଛ ଶୀଘ୍ର ଆସତୁମେ ଫେରି

ଶାନ୍ତିର ବାର୍ତ୍ତା ଦେଇ

    ତୁମେ ଚାଲିଗଲ ବାପୁ

        ଏଠି ହାଁ ହାଁ ଖାଁ ଖାଁ ଚାଲିଅଛି ଖାଲି,

ହେ ବୋଷ! ରାଜଗୁରୁ

    ଭାଗତସିଂ ସୁଖଦେବ 

        କୌଠି ଅଛ ଶୀଘ୍ର ଆସତୁମେ ଫେରି ॥୧॥

ସ୍ଵାଧୀନ ହେଲୁ ବୋଲି

    ଚନ୍ଦ୍ରିକା ସାଉଟୁ ଥିଲୁ

        ଖାଲି ମରୀଚିକା ପଛେ ପଛେ ଘୁରି ,

ଶାନ୍ତିର ଦୂତ ଏବେ

    ଅଶାନ୍ତିର ବୀଜ ବୁଣେ

        କୌଠି ଅଛ ଶୀଘ୍ର ଆସତୁମେ ଫେରି ॥୨॥ 

ସୁନାର ଭାରତ

    ସ୍ଵପ୍ନ ହେଲା ଚୂନା

        ବଳିଦାନ ଦେଲ କ୍ରାନ୍ତିକାରୀ,

ଆଜି ପଙ୍ଗପାଳ

    ହିଂସାର ଆହ୍ଵାନ ଦିଏ 

        କୌଠି ଅଛ ଶୀଘ୍ର ଆସତୁମେ ଫେରି ॥୩॥

ବାର ବାର କାଟି

    ଚାଲେ କଅଁଳିଆ ଡେଣା

        ହିଂସା ଦ୍ଵେଷ ଧର୍ଷଣ ସହିଯାଏ ନାରୀ ,

ତୁଟିଗଲା ଏବେ

    ଅନ୍ୟ ଉପରେ ଭରଷା

        କୌଠି ଅଛ ଶୀଘ୍ର ଆସତୁମେ ଫେରି ॥୪॥

        ହେ ଅମର ବୀର ଯୋଦ୍ଧା କ୍ରାନ୍ତିକାରୀ