କାଶତଣ୍ଡୀ ଫୁଲ
କାଶତଣ୍ଡୀ ଫୁଲ
ଜାଣ ଯେତେ ଭାବେ
କାଶତଣ୍ଡୀ ଏବେ
ଫୁରୁ ଫୁରୁ ଉଡ଼ୁ ଥାଏ ।
ଗଗନର ତଳେ
ସମ୍ମିଳିତ ବେଳେ
ସୁରୁ ସୁରୁ ଵାଆ ବହେ ।
ଦୋହୁଲି ଦୋହୁଲି
କେତେ ହଲି ହଲି
ଭାବ ଭଙ୍ଗୀ କରୁତୁହି ।
ନାଚି ନାଚି ସତେ
ଖେଳୁଛୁ ମରତେ
ମାତା ଆଗମାନୀ ପାଇଁ ।
କେତେଯେ ସୁଷମା
ଅପାର ମହିମା
ମରତ ଭୂଇଁ ରେ ଦିଶେ ।
କାଶତଣ୍ଡୀ ତୁହି
ନିତି ହସୁଥାଇ
ଶରତ ଋତୁ ର ପାଶେ ।
ଜ୍ୟୋଛନା ଅଙ୍ଗନେ
ନିଶିଥ ଗଗନେ
ରୁପା ସମ ଝଟକୁଇ ।
ସସାଗରା ଧରା
ସ୍ୱଚ୍ଛ ଦିଶେ ତ୍ୱରା
ଆନନ୍ଦିତ ଦିଶେ ମହି ।
ମାତା ଆଗମନୀ
ଆସିଅଛୁ ଘେନି
ମରତବାସି ଙ୍କ ପାଇଁ ।
ଦୁତି ପ୍ରାୟ ସାଜି
ଆସି ଅଛୁ ଆଜି
ମାତା ଙ୍କ ପରଶ ନେଇ ।
ମାତାଙ୍କ ଖବର
ଦେଇଣ ଜବର
ଖୁସିରେ ନାଚୁତ ତୁହି ।
ନଦୀ ପଠା ପରେ
ହେଉ ସାଇଁ ସାଇଁ
ଦର୍ଶନେ ଖୁସି ଲାଗଇ ।
ତଵ ନାଚ ଦେଖି
ଧରା ଯାଏ ଲାଖି
ଆନନ୍ଦେ ଭାସି ଉଠଇ ।
ମରତ ଶରତ
ହୁଏ ଉଲ୍ଲସିତ
ତୋତେ ତ ଶ୍ରଦ୍ଧା କରଇ ।
ଜଗତ ର ମାତ
ହୁଇବେ ତ ପ୍ରୀତ
ଝଟକା ରୂପ କୁ ଦେଖି ।
ରୌପ୍ୟ ବତ ରୂପ
ଗଢ଼ିଛନ୍ତି ଭୂପ
ଦୋହୁଲୁ ମଥାକୁ ଟେକି ।