Library
କାର୍ତ୍ତିକ ଅମାବାସ୍ୟା
କାର୍ତ୍ତିକ ଅମାବାସ୍ୟା
ଆସୁଛି ପରା କାର୍ତ୍ତିକ ମାସ ଅମାବାସ୍ୟା
ସବୁରି ମନ ରେ ଖୁସି , ସ୍ନେହ ପ୍ରେମ ଶ୍ରଦ୍ଧା ।
ଦୀପାବଳି ପୟlଶ୍ରାଦ୍ଧ ପରବ ଆସୁଛି
ବଜାରେ ଆତସବାଜି ବିପ୍ପଣି ବସିଛି ।
ଏଥି ସହ କାଳୀ ପୂଜା ପାଇଁ ପୂଜା ସଜ
କିଣୁ ଛନ୍ତି ଜନେ ଦେବା ପାଇଁ ପୟା ଶ୍ରାଦ୍ଧ ।
ଶ୍ରଦ୍ଧା ରେ ଜଳାଇ କପା କାଠି ଅଜା , ଆଈ
ବଡ ବଡ଼ୁଅ ହେ ଆସ ଅନ୍ଧାର ରେ କହି ।
ଆଲୋକ ରେ ଫେରି ଯାଅ ପୟା ଶ୍ରାଧ ନେଇ ,
ଦୀପ ଜାଳି ଦୀପାବଳି ଧାଡ଼ି ଧାଡ଼ି ଥୋଇ ।
ଘର ଓ ବାହାର କରି ଦେଉ ଆଲୋକିତ
ଅମା ଅନ୍ଧକାର ମଧ୍ୟେ ହୁଅଇ ପାଳିତ ।
କିଣିବା ଜିନିଷ ଚାଲ ଦେବା ପୟା ଶ୍ରାଦ୍ଧ
ଆଖୁ କଦଳୀ ନଡ଼ିଆ , ଫଳ ଅମରୁଦ ।
ଦୀପ , ବାଣ , ଝରlବତୀ ଓ ମହମ ବତୀ
ଭଳି ଭଳି ଦୋକାନ ରେ ସଜ୍ଜିତ ରହିଛି ।
ବିଜୁଳି କିମିଆ କାରୀ ଭଳି ଭଳି ଆଲୋ
ଚିକି ମିକି ଜଳି ଝଳି ଦିଶେ ଝଲ ମଲ ।
ଝିକି ମିକି , ଝିଲି ମିଲି ବିଜୁଳି ର ଦୀପ
ଦାଉ ଦାଉ ଜଳି ଦେଖ ଲିଭେ ଦପ ଦାପ ।
ନାଲି ନେଳି ହଳ ଦିଆ ନାନାଦି ବର୍ଣ୍ଣ ର
ଚିତ୍ର ବିଚିତ୍ର ଆଲୋକ ମାଳା ଚମତ୍କାର ।
ଝକମକ ଝିକିମିକି ଝଟଝଟ ଶୋଭା
ଝଟକ ଝଟକି ବିଭାସେ ବର୍ଣ୍ଣିଳ ଆଭା ।
ଝର ଝର ଝୁରୁ ଝୁରୁ ଝରା ବତୀ ଝରେ
ଛର ଛର ଚ୍ଛୁରୁ ଛୁରୁ ଛୁରୁଛୁରୀ ଜଳେ ।
ମନମୁଗ୍ଧକର ସୌନ୍ଦର୍ଯ୍ୟମୟ ପ୍ରକାଶ
ଅମା ଅନ୍ଧକାର ମଧ୍ୟେ ଆଲୋକ ବିଭାସ ।
ଧକଧକ ହୁଏ ଛାତି ବାଣ ବଜାର ରେ
ଫଟଫାଟ ଢ଼ଓ ଢାଆ ଶୁଭେ ଚାରି ଆଡେ ।
ବାରୁଦ ଗନ୍ଧ ରେ ନାକ ପଡୁ ଅଛି ଫାଟି
ବାଣ ନ କିଣି ଆଣିବା ଚାଲ କପା କାଠି ।
ଦୀପ ଓ ମହମ ବତୀ ଅଟେ ନିରାପଦ
ପୂଜା ସଜ କିଣି ଆଣି ଦେବା ପୟା ଶ୍ରାଦ୍ଧ ।
ପ୍ରଦୂଷଣ ରୋଧ କାରୀ ସବୁଜ ବାଣ ର
ପରିବେଶ ଶୁଦ୍ଧ ରହେ କର ବ୍ୟବହାର ।
ରଙ୍ଗବେରଙ୍ଗ ର କିଣି ଆଲୋକ ରୋଷଣୀ
ସଜାଇବା ଦୀପ ପରି ବଜାର ରୁ ଆଣି ।
