କାନ୍ତକବି ଲକ୍ଷ୍ମୀକାନ୍ତ

ଲକ୍ଷ୍ମୀ ପୂଜା ଦିନ ଧରାକୁ ଆସିଲ

    ତୁମେ ସାଧକ ସାରସ୍ବତ

ପିତା ଭାଗବତ ମାତା ରାଧାମଣୀ 

    କରିଣ କୋଳ ମଣ୍ତିତ

ସେ ବୁଢା ଶଙ୍ଖାରି  ଶଙ୍ଖା ନିଅ ହୁରି

     ହୃଦ କରେ ବିଦାରିତ

ଜାତୀୟ ପତାକା ସମର ସଙ୍ଗୀତ

     ଶାଶ୍ବତ ଚିର ବନ୍ଦିତ

କାଳଜୟୀ ବନ୍ଦେ ଉତ୍କଳ ଜନନୀ

    ହୃଦକରେ ପୁଲକିତ

କବିତା ନୁହେଁ ଏ ଜାତି ମନ୍ତ୍ରଧ୍ବନି

     ଉତ୍କଳ ରାଜ୍ୟ ସଙ୍ଗୀତ

ଅଖ୍ୟାତ ପଲ୍ଲୀରୁ ବିଖ୍ୟାତ ଯେ ତୁମେ

    ହେ ଯଶସ୍ବୀ ଯଶୋବନ୍ତ

ପ୍ରବାଦ ପୁରୁଷ  ଘେନ ପ୍ରଣିପାତ

     କାନ୍ତକବି ଲକ୍ଷ୍ମୀକାନ୍ତ ।