କାନଫୁଲ
କାନଫୁଲ
ଆଗକୁ ଆସୁଛି ଦଶହରା ପୂଜା
ଘରଣୀ ଯାଇଛି ରୁଷି।
ଦାମି କାନଫୁଲ ହଳଟେ ଆଣିଲେ
ପ୍ରିୟସୀ ହୋଇବ ଖୁସି।
ସହରରେ ଯେତେ ଗହଣା ଦୋକାନ
ସବୁଠି ଆସିଲି ଖୋଜି,
ଗୋଟେ ବି ଗହଣା ଦାମିକା ନ ଥିଲା
ପ୍ରିୟା କି ହୋଇବ ରାଜି ?
ମନଦୁଃଖେ ମୁହିଁ ଆସୁଥିଲି ଫେରି
ପରିବା ବଜାର ଦେଇ,
ଯାହା ଖୋଜୁଥିଲି ବଣିଆ ଦୋକାନେ
ସେଇଠି ଗଲି ମୁଁ ପାଇ।
ପିଆଜ କିଲୋ ତ ପଚାଶ ଟପିଛି
ପ୍ରିୟାକୁ ମାନିବ ଭାରି,
ବଡ ବଡ ଦୁଇ ପିଆଜ ବାଛିକି
ସାଥିରେ ଆସିଲି ଧରି।
ଅତି ସରାଗରେ ଘରଣୀ କାନରେ
ପିନ୍ଧାଇଲି ଗେଲ କରି,
ଦୁଇ କାନେ ଦୁଇ ପିଆଜ ଝୁଲୁଛି
ସୁନା କି ହୋଇବ ସରି?