କାଳ୍ପନିକ
କାଳ୍ପନିକ
ସବୁ ଦିନ ରାତିରେ
କିଛି ସମୟ ପାଇଁ ହଉ ପଛେ
ବୁଲି ଆସେ ମୁଁ ମୋ
କାଳ୍ପନିକ ଦୁନିଆରେ ।
କ୍ଷଣିକ ପାଇଁ ହଉ ପଛେ
ଖୁସି ହୋଇ ଉଠେ
ମୁଁ ଗଢିଥିବା କଳ୍ପନାର ରାଇଜରେ ।
ସବୁ ଅସମ୍ଭବ କୁ ସମ୍ଭବ କରିବାର କ୍ଷମତା
ଭରି ଦିଏ ରୋମାଞ୍ଚ ମୋ ଭିତରେ
ଏକ ମହାନାୟକ ସାଜି
ଲଢ଼ୁଥାଏ ଆଉ ଗଢ଼ୁଥାଏ
ନ୍ୟାୟକୁ ଜିତିବାର ଦେଖି
ଆଉ ଅନ୍ୟାୟ କୁ ହାରିବାର ଦେଖି
ଧର୍ମ ର ଜୟ ଆଉ ଅଧର୍ମ ର ପରାଜୟ ଦେଖି
ଶାନ୍ତିର ନିଃଶ୍ୱାସ ନେଉଥାଏ ।
କେଜାଣି କେଉଁଠୁ
ମସାଟିଏ ଆସି,
ମୋତେ ଟାଣି ଆଣେ ମୋ କଳ୍ପନାରୁ
ପରିଚିତ କରାଏ ରାତ୍ରିର ବିଳମ୍ବ ପ୍ରହରୀ ସହ
ଆଉ, କହିଯାଏ ମୋ କାନରେ
ଆଜି ପାଇଁ ଏତିକି ଥାଉ
ରାତି ତ ଅନେକ ଆସିବ
ବଞ୍ଚିଥିବା ଭିତରେ ।