କାଳି

ଜୀବନ ଯୁଦ୍ଧରେ

କ୍ଷତାକ୍ତ ହୋଇ

ଶ୍ରୀହୀନ ହେଲାପରେ

ହାରି ଯାଇ

ଲୁହ ଝରା ଭଙ୍ଗାହୃଦୟରେ

ଭରିଦିଏ ଇନ୍ଦ୍ରଧନୁର ସାତରଙ୍ଗ

ଝରାଏ ଅସରାଏ ସୁଖର

ଟିପ ଟିପ ବରଷା ବୁନ୍ଦା

ବେଦରଦୀକୁ ଶିଖାଏ ମାନବତା

ଆଉ ମଣିଷପଣିଆର ନିଆରା ଅନୁଭବ

ଛାତି ଭିତରେ ଜାକିଜୁକି ହୋଇ ରହିଥିବା

ଯୁଗଯୁଗର କୋହକୁ

ସହଜରେ ଓଗାଳି ଦିଏ

ଶାନ୍ତ ହୁଏ ମନ

ଆଉ

ବିରହ ଜୀବନ

ଅବୁଝା ପ୍ରେମିକାର

ଫୁଲେଇ ମୁହଁରେ

ଫୁଟାଏ ମୁରୁକି ହସ

ବାଟବଣାର ହୁଏ ପଥ ପ୍ରଦର୍ଶକ

ଆଉ ଦିଗଦର୍ଶକ ଵି

ପବିତ୍ର ହୁଏ

ପାପୀ

ତାର ମନ ଦରଜା ଖୋଲି

ଏତେ ସବୁ ହୁଏ ସମ୍ଭବ

ଖାଲି ତୋ ପାଇଁ କାଳି

ହଁ

ଖାଲି ତୋ ପାଇଁ କାଳି