କାଳି_ବୋହୂ

ଯାଇଥିଲି ଏକ ଭୋଜି ଆୟୋଜନେ

ପୁଅ ଘର ଡାକିଥିଲେ

ବଡ ମଣ୍ଡପକୁ ଆଲୋକ ଫୁଲରେ

ଖୁବ୍ ସେ ସଜାଇଥିଲେ

କେତେ ରକମର ବ୍ୟଞ୍ଜନ ବ୍ୟବସ୍ଥା

ଶହେରୁ ଅଧିକ ହେବ

ବୁଲି ଖାଉଥିଲେ ଗୋଡ ବିନ୍ଧିଯିବ

ନୂଆ ନାଁ ଜଣା ନଥିବ

ଦାମି ହୋଟଲରେ ନିଜକୁ ପାଇ ମୁଁ

ଖୁସିରେ ମଉଜ ନେଲି

ଖାଇପିଇ ସାରି ବୋହୂ ଦେଖା କାମ

ସାରିବି ବୋଲି ଭାବିଲି

ବନାରସୀ ପାନ ପାଟିରେ ପୁରାଇ

ପର୍ସଟିକୁ ଖୋଲିଦେଲି

ଅତି ସନ୍ତର୍ପଣରେ ନାଲି ଲଫାପାକୁ

ହାତରେ ଚାପି ଧରିଲି

ଭିଡ ହୋଇଥିଲା ବୋହୂ ଦେଖା ପାଖେ

ଧିରେ ଧିରେ ଚାଲୁଥିଲି

କେତେ ପ୍ରକାରର ଡିଜାଇନି ଫଟୋ

ଉଠା ଦେଖି କାବା ହେଲି

ଚାହିଁ ମୁଁ ଦେଖିଲି ଲୋକ ଗହଳିରେ

ବୋହୂଟି ତ୍ରିପଣ୍ଡ କଳା

ସେଥିପାଇଁ ବୋଧେ ବାହାହୋଇ ପପୁ

ଆଣିଛି ଟଙ୍କାର ବିଡା

ବହୁ ଆଡମ୍ବର, ଖାଦ୍ୟର ସମ୍ଭାର

ସଭିଁଙ୍କୁ କରିଛି ଟେରା

କାଳି ବୋହୂ ଆଣି ବାପା'ମା'କୁହନ୍ତି

ଟଙ୍କା କ'ଣ ଆମ କଳା

ଦେଖିଲି ପୁଅଟି ପାଖେ ବୋହୂ ଠିଆ

ଧଳାକଳା ବେନିଜନ

ସତେ ଅବା କଳା ମେଘ ଫାଙ୍କ ଦେହୁ

ଉଠି ଆସିଛି କି ଜହ୍ନ

ତା ସଙ୍ଗେ ପିନ୍ଧିଛି ନାଲି ପାଟଶାଢୀ

ଲାଲି ଲିପଷ୍ଟିକ୍ ବୋଳା

ପାଉଡର ସ୍ନୋ ବହେ ନେସି ହୋଇ ସେ

ଲାଗୁଛି କରିବ ପାଲା

କ'ଣ ବା ମିଳିବ ଲଫାପା ବଢାଇ

କହିଲି ବୋହୂ ବଢିଆ

ଖାଇବା ହୋଇଛି ଏକ ଠାରୁ ଆନ

କାହାକୁ କୁହ ଖୁଣିବା

ଟଙ୍କା ସରିଗଲା ଭୋଜି ଭାତ କରି

କାଳି ବୋହୂ ବେକେ ବନ୍ଧା

ପପୁଆ କହୁଛି ବୋହୂ ସଙ୍ଗେ ମୁହିଁ

ବୁଲିଯିବି ନାହିଁ କଦା