କାଲି ହେବୁ ବଡ଼
କାଲି ହେବୁ ବଡ଼
ଆଜି ଆମେ ଶିଶୁ ଅଛୁ କାଲି ହେବୁ ବଡ଼,
ଡରିବୁନି ହାରିବୁନି ଆସିଲେ ବି ଝଡ଼ ।
ଆକାଶର ଜହ୍ନ ତାରା ବଗିଚାର ଫୁଲ,
ହୀରା, ନୀଳା, ମୋତିଠୁଁ ଯେ ବେଶୀ ଆମ ମୂଲ ।
ଆମେ ହସିଦେଲେ ପରା ଦୁନିଆଟା ହସେ,
ଋଷିଗଲେ ସବୁ ମୁହେଁ କଳାମେଘ ଦିଶେ ।
କଅଁଳ ମନ ଆମର ଅଟେ ପୂରା ସଫା,
ଜାଣୁ ଖାଲି ସଂସାରଟା ଜହ୍ନ ଭଳି ତୋଫା ।
ଘୃଣା, ହିଂସା, ଅହମିକା ଇଏ କେଉଁ ଚିଜ,
ତା' ବିଷୟେ ଜାଣିବାକୁ କରୁନା କେ ଖୋଜ ।
ଆମ ପରି ସାନ ଥିଲେ ଭଗତ, କାଲାମ,
ବଡ଼ ହୋଇ ଦୁନିଆରେ ରଖିଗଲେ ନାମ ।
ଆମେ ନିଶ୍ଚେ ବଡ଼ ହେବୁ ପାଠଶାଠ ପଢ଼ି,
ଫୁଟିବୁ ଯେ ଫୁଲଭଳି ଏବେ ଅଛୁ କଢ଼ି ।