କାକପୋଈ

କହକହ କାକପୋଈରେ କହ ଶୁଭ ବାରତା,

କେତେଦିନ ପରେ ଆସିବେ ରାମ ଲକ୍ଷ୍ମଣ ସୀତା ?

ଚଉଦ ବରଷ ବିତିଲା ରାମ ଗଲେ ବଣକୁ,

ପଥର କରିଛି ଛାତିକୁ ବୋଧଦେଇ ମନକୁ |

କାନ୍ଦନ୍ତି ପରଜା ସକଳେ କାନ୍ଦେ କୌଶଲ୍ୟା ମାତା | 

କହକହ କାକପୋଈରେ କହ ଶୁଭ ବାରତା |

ଅସୁର ରାବଣ ମାତିଲା ସୀତା ନେଲା ଚୋରାଇ,

ଅସୁରୁଣୀ ମେଳେ ରଖିଲା ଅଶୋକ ବନେ ନେଇ |

ଲଙ୍କାପୋଡ଼ା ହନୁ କହିଲା ଯାଇ ଶ୍ରୀରାମ କଥା |

କହକହ କାକପୋଈରେ କହ ଶୁଭ ବାରତା |

ଅସୁର ବଅଁଶ ବୁଡ଼ିଲା ରାମ ମାଇଲେ ବାଣ,

ସୀତାଙ୍କୁ ଖୋଜିକି ପାଇଲେ ଭାଇ ବୀର ଲକ୍ଷ୍ମଣ |

ଜାଣିଥା' ତୁ କାକପୋଈରେ ରାମ ଜଗତ ଜିତା |

କହକହ କାକପୋଈରେ କହ ଶୁଭ ବାରତା |