କାଗଜ ଫୁଲ

କାଗଜ ଫୁଲଟେ ଏଇ ବଗିଚାରେ 

ଦେହରେ ଗୋଲାପି ସ୍ୟାହି 

ସେହି ବଗିଚାର ଏନ୍ତୁଡ଼ି ଶାଳରେ 

ଫୁଟେ ସେ ଗୋଲାପୀ ହୋଇ...|

ଫୁଲେ ଫୁଲେ ହସେ ସୁନେଲି ସ୍ବପ୍ନରେ 

ବୁକୁରେ ରକ୍ତର ନିଆଁ 

ବାସ୍ନାରେ ଭିଜେ ତା' ତୂଳିତଳ୍ପ ଶେଯ 

ଜଳେ ସେ ସାରା ଦୁନିଆଁ...|

କଣ୍ଟକ ବନର ଅଷ୍ଟମ ରାଗ ସେ  

ବିଦଗ୍ଧ ବସନ୍ତ ଜାଣି....l

ମନ ମରୀଚିକା ଟାଣେ ସୀମାରେଖା 

ଆଶା ନଈ ବୈତରଣୀ... |

ଫୁଲେ ଫୁଲେ ବଞ୍ଚେ,ବାସ୍ନା ହୀନ ପୁଣି, 

ତା ବୁକୁ ଫୁଲ ରଙ୍ଗୀନ, 

ଅବୁଝା ଫୁଲଟେ ମନ କାଗଜରେ 

ଅଲୋଡ଼ା ଫୁଲ କାହାଣୀ...|