କାବ୍ୟନାୟକ

ଉଦଗମରୁ ଉତ୍ତରଣ ଯାଏଁ

ଉଲ୍ଲାସରୁ ଉହୁ ଯାଏଁ 

ଉପସ୍ଥିତିରୁ ଉଭାନ ଯାଏଁ 

ମନେ ପଡେ, ମନେ ପଡେ ମୋ କାବ୍ୟନାୟକ ।

ଯାହାର ପ୍ରକୃତି ବା ପ୍ରବୃତ୍ତି ସହ ମୁଁ ଅପରିଚିତା

ଯାହାର ସାନିଧ୍ୟ ବା ଉଦାସୀନତାରେ ମୁଁ ଆକ୍ତାମାକ୍ତା,

ଯାହାର ବର୍ତ୍ତମାନ ବା ଅବର୍ତ୍ତମାନରେ ମୁଁ ବିବ୍ରତା |

ପ୍ରଚଣ୍ଡ ପୌରୁଷ ତା' ଜାଜ୍ଜୁଲ୍ୟମାନ ବ୍ୟକ୍ତିତ୍ଵ

ପରିଚୟ ପ୍ରକାରାନ୍ତେ, ପ୍ରକାଶେ ସେ ଅସ୍ତିତ୍ଵ,

ପ୍ରସଙ୍ଗେ ଓ ଅପ୍ରସଙ୍ଗେ ମୁଁ ବିସ୍ତାରେ ତା' ଗୁରୁତ୍ଵ,

କାୟ-ମନ-ବାକ୍ୟରେ ସେଇ ହିଁ ମୋ ସତ୍ୟ ।