ଜୟ ଶ୍ରୀ ରାଧାକୃଷ୍ଣ
ଜୟ ଶ୍ରୀ ରାଧାକୃଷ୍ଣ
ଭୂବନ ମୋହନ ରୂପଟି ତୋହର
ହେଉ ପଛେ ରଙ୍ଗ କଳା
ଚଉଦ ଭୂବନେ ତୋ ପରି ସୁନ୍ଦର
କେହି ନାହିଁ ନନ୍ଦବଳା I
କଣ୍ଠସ୍ୱର ତୋର ସବୁଠୁ ମଧୁର
କାନକୁ ଅମୃତ ପ୍ରାୟେ
ତୋ ବାଙ୍କ ଚାହାଣୀ ଅତି ମନୋହର
ଗୋପୀଙ୍କର ମନ ମୋହେ I
କୋଟିବସ୍ତ୍ର ଦେଇ ଲଜ୍ୟା ନିବାରିଲୁ
ଇଜ୍ଜତ ପାଇଲା ସତୀ
ତୋ କୋପ ପାଇଁରେ ମହାମହା ଦୈତ୍ୟ
ପାଇଗଲେ ଦିବ୍ୟଗତି I
ବଡ କପଟୀ ତୁ ଦ୍ୱାରକା ରାଜନ
ରଚିଲୁ ମହାଭାରତ
ଅସ୍ତ୍ର ଧରିଲୁନି ସାରଥି ହୋଇ ତୁ
ବାହିଲୁ ଅର୍ଜୁନ ରଥ I
ଯୁଦ୍ଧ ଶେଷ ପରେ ଆଖିଦେଖା କଥା
କହିଲା ବେଲାଳସେନ
ଚକ୍ରଟିଏ ବୁଲି ଯୁଦ୍ଧକ୍ଷେତ୍ର ସାରା
ମୁଣ୍ଡ କରୁଥିଲା ଛିନ୍ନ I
ଅଷ୍ଟ ପାଟବଂଶୀ ଥାଉ ଥାଉ ତୋର
ରାଧା ପାଇଁ ହେଲୁ ବାଇ
ରାଧାକୃଷ୍ଣ ରୂପେ ଦୁନିଆରେ ପୂଜା
ପାଉଛୁ ଜଗତ ସାଇଁ I