ଜୟ ଶ୍ରୀ କୃଷ୍ଣ

ଜୀବନ ସଂଗ୍ରାମ ଅଟେ ଘନଘୋର

ଚେତନା କୃଷ୍ଣ ଜାଗ୍ରତ

ଘୋଷେ ପଞ୍ଚଜନ୍ୟ ଚଳେ ସୁଦର୍ଶନ

ପତନେ କଂସ ର ଅନ୍ତ ।

ପୂରେ ନାହିଁ ପେଟ ଭାଷଣେ ଦୁଃଖୀର

କଲ୍ୟାଣ କର୍ମେ ଉତ୍ଥାନ

କଷ୍ଟ କଲେ କୃଷ୍ଣ ମିଳେ ଧ୍ରୁବ ସତ୍ୟ

ସାଧୁ କର୍ତ୍ତବ୍ୟ ବିଧାନ ।

ଅଘା ବକାସୁର ପୁତନା ଶକଟା

ଚକ୍ରାନ୍ତ ହୁଅଇ ଚୂର୍ଣ୍ଣ

ଜଳି ବାରମ୍ବାର ଚମକେ ଉଜ୍ଜ୍ୱଳେ

ଶୁଦ୍ଧ ସୁବର୍ଣ୍ଣ ଓ କୃଷ୍ଣ ।

ଖୋଲିଯାଏ ସ୍ୱତଃ ଲୁହାର କବାଟ

ଛିଡେ ସଶକ୍ତ ଶୃଙ୍ଖଳ

ଭଣ୍ଡ ହୋଇଯାଏ ଥାଟପାଟ ଯାତ

କଂସାସୁର ଆଡ଼ମ୍ବର ।

ନିଜ ଜନ୍ମ କର୍ମ କର୍ତ୍ତବ୍ୟ ସୁସ୍ମର

ବୃଥା ଚିନ୍ତା ଅନୁଚିତ

ନ ମଣ ନିଜକୁ ଅହଙ୍କାରେ ଶ୍ରେଷ୍ଠ

ଗର୍ବେ ଅତି ସର୍ବନାଶ ।

ଚାଲିଛି ଚାଲିବ କୃଷ୍ଣ ସଙ୍କଳ୍ପନା

ସଚେତନ ଜାଗରଣ

ବିଜୟ ସତ୍ୟର ଧର୍ମ ସଂଗ୍ରାମର

ଜୟ ଜଗଦୀଶ କୃଷ୍ଣ ।