ଆସିଲା ଫଗୁଣ

ଆସିଲା ଫଗୁଣ, ନୂଆ ରଙ୍ଗ ନେଇ

    ହସି ଉଠିଲାଣି ଧରା 

ଅଗି ଜଳିଗଲା, ଶୀତ ପଳାଇଲା

    ଉତ୍ତପ୍ତ ହୋଇବ ପରା ।

ଆମ୍ବ ବଉଳର ବାସନା ଛୁଟୁଛି 

   ଗାଉଅଛି ମତ୍ତ ପୀକ

ଆସିବ ବସନ୍ତ, ହୋଇଣ ଉନ୍ମତ୍ତ

    ହରିବ ସନ୍ତାପ ଦୁଃଖ ।

ଦୋଳ ବିମାନରେ ଠାକୁର ବିଜୟ

    ଖେଳୁଥିବେ ରଙ୍ଗ ହୋଲି

ନିରସ ବୃକ୍ଷରେ ପ୍ରାଣ ସଞ୍ଚରିବ

  ସବୁଜିମା ଯିବ ଭରି ।

କୁସୁମ ସମ୍ଭାରେ ହସିବ ଧରଣୀ 

    ଆକର୍ଷିତ ମନ ପ୍ରାଣ

ସବୁଜ ଶ୍ୟାମଳ କ୍ଷେତରେ ଫସଲ

    ଶୋଭା ବଢାଇ ଦ୍ଵିଗୁଣ ।

ଆଇସକ୍ରିମ୍ ଓ ଥଣ୍ଡା ବୋତଲକୁ

    ସମସ୍ତେ ଖୋଜିବେ ଜାଣ 

କାକୁଡି ଓ ଦହି, ଲସି, ସର୍ବତର

   ବଜାର ସର ଗରମ ।

ନୂତନ ଶରୀର ଧାରଣ କରିବ

   ଆମରି ପୃଥିବୀ ମାତା

ଋତୁଚକ୍ରର ପରିବର୍ତ୍ତନ ଶୈଳୀ

   ସୃଷ୍ଟି କରିଛନ୍ତି ଧାତା।