ଜୟ ପ୍ରଭୁ ନାଗେଶ୍ଵର

       ଜୟ ପ୍ରଭୁ ନାଗେଶ୍ଵର
        ===========
ଭାରତ ପଶ୍ଚିମ ତଟେ
                ଦ୍ଵାରାବତୀ ପୂର l
ଦ୍ଵାପରେ ଥାପିଲେ ଯାକୁ
             କୃଷ୍ଣ ଯୋଗେଶ୍ୱର ll
ବର୍ଣ୍ଣି କେ ପାରିବ ଭାଇ
                 ଦ୍ୱାରିକା ମହିମା l
ନିର୍ମାଣ କଲେ ଯାହାକୁ
                ସ୍ଵୟଂ ବିଶ୍ଵକର୍ମା ll
ଦ୍ଵାରିକା ନିକଟେ ସ୍ଥାନ
                  ଦାରୁକ କାନନ l
ବିଜେ କରିଛନ୍ତି ତହିଁ
                   ପ୍ରଭୁ ପଞ୍ଚାନନ ll
ନାଗଙ୍କ ଈଶ୍ୱର ଯେଣୁ
                 ନାମ ନାଗେଶ୍ଵର l
ଦାରୁକ ବନେ ବଧିଲେ
                   ଦାରୁକ ଅସୁର ll
ପାର୍ବତୀ ବୋଲାନ୍ତି ଏଠି
              ଦେବୀ ନାଗେଶ୍ଵରୀ l
ରୁଦ୍ରାଣୀ ଶିବାନୀ ମାଆ
                   ପରମ ଈଶ୍ୱରୀ ll
ଅଳପ ପୂଜାରେ ବାବା
                   ଲଭନ୍ତି ସନ୍ତୋଷ l
ଜ୍ୟୋତିର୍ଲିଙ୍ଗ ନାଗେଶ୍ଵର
                ବାବା ଆଶୁତୋଷ ll
ବାବାଙ୍କ ମହିମା ଅଟେ
                     ଅନନ୍ତ ଅପାର l
ଅନ୍ଧକୁ ଦିଅନ୍ତି ଚକ୍ଷୁ
                   ବନ୍ଧ୍ୟାକୁ କୁମର ll
ମୂକ ହୁଅଇ ବାଚାଳ
                 ପଂଘୁ ଲଂଘେ ଗିରି l
ଦକ୍ଷିଣ ମୁଖୀ ବାବାଙ୍କ
                     ମହିମା ଏପରି ll
ମାତା ନାଗେଶ୍ୱରୀ ଊମା
                   ଗିରିରାଜ ଜେମା l
ଆଶିଷ ତାଙ୍କର ହେଲେ
                 ସର୍ଵ ଦୋଷ କ୍ଷମା ll
ଭାଗ୍ୟଥିଲେ ନାଗନାଥ
                     ଦିବ୍ୟ ଦରଶନ l
ପୂଜି ଥିଲେ ଦ୍ଵାପରରେ
                   ଦେବକୀ ନନ୍ଦନ ll
ହରି ହର କ୍ଷେତ୍ର ବୋଲି
                   ବିଖ୍ୟାତ ଦ୍ୱାରିକା l
ମୁକ୍ତିକାମୀ ପୁଣ୍ୟପୀଠ
                 ମୋକ୍ଷପୀଠ ଏକା ll
ଅକର୍ମ କର୍ମ ଦାୟକ
                    ପ୍ରଭୁ ନାଗେଶ୍ଵର l
ପ୍ରଣାମ କରେ ମୁଁ ତାଙ୍କୁ
                ଯୋଡ଼ି ବେନି କର ll
               🙏🙏🙏
                   ଅର୍ଜୁନୀ
                  -----------
ଅର୍ଜୁନୀ ଚରଣ ବେହେରା
ମୋ - 7693091971