ଜୟ ମା ଲକ୍ଷ୍ମୀ
ଜୟ ମା ଲକ୍ଷ୍ମୀ
ଆସ ପଦ୍ମାଳୟା ମୋ ତୃଣ କୁଟୀରେ
ରହିଛି ତୁମକୁ ଚାହିଁ
ସାରା ଜଗତରେ ତୁମେ କି ଦେଖିଛ
ଏପରି ଦୁଃଖିନୀ କାହିଁ ।
ଶୁଣିଛି ମାତା ଗୋ ତୁମରି ଦୟାରୁ
ଚଣ୍ଡାଳୁଣୀ ଭୋଗେ ସୁଖ
ମୋ ବେଳକୁ କାହିଁ ବିମୁଖ ହେଉଛ
ଭାଗ୍ୟ ଭଟା ପାଏ ଦୁଃଖ ।
ଆକର୍ଣ୍ଣ ବିସ୍ତାରୀ ନେତ୍ରକୁ ପ୍ରସାରୀ
ଯୋଡିଛି ଭାବ ତରଙ୍ଗ
ହେଲେ ମୁଁ ଜନନୀ ପାଇଁ ନାହଁ କାହିଁ
ତୁମ ଅନୁଭବ ସଙ୍ଗ ।
କରୁଣା କର ମା କୁଟୀର ମୋ ହେଉ
ଜ୍ୟୋତ୍ସ୍ନା ପରି ଆଲୋକିତ
ବିଷାଦର ରାତି ଲିଭି ଯାଉ ମାଗୋ
ସଦା ହେଉ ଥାଅ ପ୍ରୀତ ।