ଜୟ ଜୟ ମାତା ଦୁର୍ଗେ
ଜୟ ଜୟ ମାତା ଦୁର୍ଗେ
ଦଶଭୁଜା ମାତା ଆଯୋନି ସମ୍ଭୂତା
ଆସିଛ ଜଗତ ମଙ୍ଗଳେ
ଜଗତର ଦୁଃଖ ଫେଡି ପାଅ ସୁଖ
ବିଜୟା ଦଶମୀ ତିଥିରେ
ତୁମେ ପରା ଆଦିମାତା ଆଦିଶକ୍ତି ଜଗଜ୍ଜିତା
ତୁମେ ସୃଷ୍ଟିକର୍ତ୍ତୀ ଅନ୍ତରାଳେ
ଜୟ ଜୟ ମାତା ଦୁର୍ଗେ ଜୟ ଜୟ ମାତା ଦୁର୍ଗେ।0।
କାଶତଣ୍ଡି ହସେ ବାସ ଫୁଲ ବାସେ
ଶରଦ ଆକାଶେ ଶିଶିର ବରଷେ
ମଳୟର ତାଳେ ଶୁଭ୍ର ଜୋଷ୍ନା ଢାଳେ
ଆସ ଅବତରି ପ୍ରତି ହୃଦୟରେ
ଦୂର ହେଉ ଅଜ୍ଞାନତା ତୁମ ଆଶୀର୍ବାଦେ ମାତା
ଜୟ ହେଉ ପୁଣ୍ୟ କାଳେ କାଳେ
ଜୟ ଜୟ ମାତା ଦୁର୍ଗେ ଜୟ ଜୟ ମାତା ଦୁର୍ଗେ ।୧।
ଦୈତ୍ୟ ବିନାଶିନୀ ଦୁଷ୍ଟ ସଂହାରିଣୀ
ଅଧର୍ମ ନାଶିନୀ ମହିସାମର୍ଦ୍ଦନୀ
ସଙ୍କଟ କାଳରେ ଆସ ମା ମହୀରେ
ଭକତେ ବିଭୋରେ ହଜନ୍ତୁ ପୟରେ
ପଣତ କାନିରେ ତୋର ଘୋଡାଇ ଦେଏ ସଂସାର
ଚାଲି ଯାଉ ଦୁଃଖ ଶୋକ ଦୁରେ ।
ଜୟ ଜୟ ମାତା ଦୂର୍ଗେ ଜୟ ଜୟ ମାତା ଦୂର୍ଗେ .।୨।