ଜୟ ଜଗନ୍ନାଥ
ଜୟ ଜଗନ୍ନାଥ
କଶ୍ୟପ ଓ ବିନତାଙ୍କର ଜ୍ୟେଷ୍ଠ ପୁତ୍ର
ପୌରାଣିକ ମତ ଅନୁଯାୟୀ
ସୂର୍ଯ୍ୟଙ୍କ ସାରଥୀ ଅରୁଣ ହେଉଛନ୍ତି
ଗରୁଡଙ୍କର ବଡ ଭାଇ |୧|
ପୁରାଣେ କଥା ରହିଛି ଅରୁଣ ସ୍ତମ୍ଭ
ଅରୁଣ ଜ୍ୟୋତିର ପ୍ରତୀକ
କାୟ-ମନ-ବାକ୍ୟରେ ସ୍ପର୍ଶ କରିବା-
ରେ ହୁଏ ଶକ୍ତି ପ୍ରଦାୟକ |୨|
ଶୁଣିଛି ଅରୁଣ ସ୍ତମ୍ଭ ଓ ପତିତପାବନ
କଲେ ଦର୍ଶନ
ହୋଇଥାଏ ଭକ୍ତଙ୍କ ସମସ୍ତ ମନର
କାମନା ପୂର୍ଣ୍ଣ |୩|
ଅରୁଣ ସ୍ତମ୍ଭ ଓ ଗରୁଡ଼ ସ୍ତମ୍ଭ ଅଛି ତ
ହୋଇ ନିଖୁଣ
ତୁମ ଦର୍ଶନାର୍ଥେ ଏ ଦୁଇ ସ୍ତମ୍ଭଙ୍କୁ ଆଗ
କଲି ଦର୍ଶନ |୪|
ବାଇଶି ପାହାଚ ଧୂଳି ମୁଣ୍ଡେ ମୁଁ ବୋଳି
ଗଲି ତ ଚଢି
ହରିବୋଲ ସୁରେ ବଡ ଭକ୍ତିରେ ପାଦ
ତଳେ ଗଲି ଗଡି |୫|
ପତିତପାବନ ନାମ ବହିଅଛ ପତିତ
ତାରଣ ପାଇଁ
ନହୁଅ ବିମୁଖ ବୁଝିବ ମୋ ଦୁଃଖକୁ
ଆରତ ସ୍ୱରେ ଡାକଇ |୬|
କରିଛି ଆଶା ତୁହି ମୋର ଭରଷା
ଭକ୍ତିର ଡୋର ଧରିଛି ଭିଡି
ଦୃଢ ବିଶ୍ୱାସ ହେ କାଳିଆ ଠାକୁର
ଡାକେ ତୋ ପାଦ ତଳେ ପଡି |୭|
ବସିଛୁ ଶ୍ରୀମନ୍ଦିରେ ରତ୍ନସିଂହାସନେ
ହେ ଜଗତ କରତା
ଭବ ସଂସାରରେ ହେଲେ ବାଟ ବଣା
ତୁ ମୋର ଗତି ମୁକ୍ତି ଦାତା |୮|
ଜଗନ୍ନାଥ ହୋ ତୁମେ ଅଟ ପରା
କରୁଣାର ବାରିଧି
କିପାଇଁ ଆଜିର ସଂସାରେ କରୁଣା
ଉଣା କର ଆହେ କଳାନିଧି |୯|
୨୯ ସେପ୍ଟେମ୍ବର ବିଶ୍ଵ ହୃଦୟ ଦିବସ-
ରେ ପ୍ରାର୍ଥନା କରୁଥାଉ
ଦେହ ଶକ୍ତ ଓ ନିରୋଗ ନିରାମୟ
ସଦା ଆମ ହୃଦୟ ରହୁ |୧୦|
ହୃଦୟ ରହେ ଯଦି ସ୍ଵଚ୍ଛ ଓ ନିର୍ମଳ ମନ
ସଦା ରହେ ପ୍ରଫୁଲ୍ଲିତ
ସଂସାର ମଧ୍ୟରେ ଝଡ଼-ଝଞ୍ଜା ନ କରେ
କେବେ କ୍ଷତ-ବିକ୍ଷତ |୧୧|
ଜଗନ୍ନାଥ ହୋ ରଖ ଶୋଭାମୟ ବିଶ୍ଵ
ପ୍ରୀତି-ଶୁଭେଚ୍ଛା ଜ୍ଞାପନ
ରଖ ଶାନ୍ତ-ଶୁଦ୍ଧ-ପୂତ ପବିତ୍ର ହୃଦୟେ
ସର୍ବେ ଭବନ୍ତୁ ସୁଖିନଃ |୧୨|