Library
Profile
ଜୟ ଜବାନ
ଜୟ ଜବାନ
ରାମାୟଣ ମହାହାରତରୁ ଅଛି ଯୁଦ୍ଧ ଏ ଦେଶ ରକ୍ତେ
ପର୍ଶୁରାମ ଦ୍ରୋଣ କୃପ ଧୃଷ୍ଟଦ୍ୟୁମ୍ନ ଅସ୍ତ୍ର ଧରନ୍ତି ଶକ୍ତେ ।
ସୂର୍ଯ୍ୟବଂଶୀ ରାମ ଚନ୍ଦ୍ରବଂଶୀ ଭୀଷ୍ମ କର୍ଣ ପୁଣି ଅରଜୁନ
ହର୍ଷ ବିକ୍ରମ ଅଶୋକ ଶିବାଜୀ ପୃଥ୍ୱୀରାଜ ଚଉହାନ ।
କ୍ଷତ୍ରିୟ ଏଠି ଚାଷ କରୁ ଥାଇ ଯୁଦ୍ଧ ବିଦ୍ୟା ଶିଖୁଥାଏ
ଶତୃ ଆସିବା ସୁଚନା ପାଇଲେ ଖଡ୍ଗହସ୍ତେ ଉଭାହୁଏ ।
ପଂଚଶୀଳ ନୀତି ଶାନ୍ତିପ୍ରିୟ ବିଶ୍ଵେ ବୃହତ୍ତମ ଗଣତନ୍ତ୍ର
ପଡୋଶୀ ସାଜିଛି ଆଜନ୍ମ ବଇରୀ ଆତଙ୍କବାଦୀ ସର୍କାର ।
ଆରେକ ପଡୋଶୀ ଭୟଭୀତ ଦେଖି ଭାରତର ଜୈତ୍ର ଗାଥା
ସହଯୋଗ ଦେଇ ଶତୃକୁ ଆମର ତେଜାଉଛି ତା'ର ମଥା ।
ଦୁଇଟା ଯୁଦ୍ଧରେ ହାରି ନଆସଇ ଚେତା ଆମ ପଡୋଶୀର
ଆତଙ୍କୀ ମାନଙ୍କୁ ଅସ୍ତ୍ର କରି ସେ ଲିପ୍ତ ଛାୟା ଯୁଦ୍ଧର ।
ତସ୍କରଙ୍କ ପରି ବଂକର କରି ପାହାଡ ଉପର ପଟୁ
ମାଡି ଆସିଲେ ସେ ଦଖଲ କରିବେ କାର୍ଗିଲ ଘାଟିଟାକୁ ।
ବିଯୁକ୍ତ ତାପରେ ଘନ ଅନ୍ଧକାରେ ବୋଫର୍ସ କମାଣ କାନ୍ଧେ
>ଶତୃ ଉପରେ ସହଜ ସ୍ଥିତିରେ ବଂକରରୁ ଗୁଳି ବିନ୍ଧେ ।
ଷାଠିଏ ଦିନର ତ୍ୟାଗ ସୈନିକର ଯାଇଥାଆନ୍ତା କି ବ୍ୟର୍ଥ !
ଆତ୍ମବଳି ଦେଇ ଯବାନ ଆମର ପୂର୍ଣକଲେ ମନୋରଥ ।
ଧ୍ୱଂସ କରିଲେ ପାକ୍ ବଂକରକୁ ଗୋଟିକ ପରେ ଆରେକ
ଗୋଡାଇ ମାରିଲେ ଜବାନ୍ ଆମର ଧଇଁଲେ ଶତୃ ସୈନିକ ।
ମୂଷା ପରି ମୁଶାରଫ ପଳାଇଲା ନାଗ ସାପ ଭାରତୀୟ
ଜୟ ଜବାନ୍ ଜୀବନର ପଣ କରି ଦେଶେ ଦିଅ ବରାଭୟ ।
ମା'ର କୋଳ କେ ଶୂନ୍ୟ କରିଛି ଭଗିନୀର ରାକ୍ଷୀ ଝୁରେ
ବାସର ରାତିରୁ କେ ଯାଇଛି ଉଠି ପ୍ରାଣ ପ୍ରିୟା ଝୁରି ମରେ ।
ପରମ୍ ବୀର ଚକ୍ର ଶୌର୍ଯ୍ୟ ଚକ୍ରଟି ମରଣୋତ୍ତର ମିଳେ
ମା କୋଳେ ପୁଅ ଫେରି ଆସେ ନାହିଁ ପ୍ରାଣ ପ୍ରିୟା ବସି ଭାଳେ ।
ଅନେଶତ ଛବିଶ୍ ଜୁଲାଇଟି ପାଳୁ ବିଜୟ ଦିବସ ଭାବେ
ୱାଘା ସୀମାନ୍ତର ତୋଡ ଯେ ଦେଖିଛି ଦେଶ ନିରାପଦ ଭାବେ ।
ବାରଶ ନିୟୁତ ଭାରତୀୟ ଆଜି ସୁରକ୍ଷିତ ତୁମ ଲାଗି
ଜୟ ଜବାନ୍ ଜୟ ଜବାନ୍ ଆମର ଦେଶହିତେ ଥାଅ ଜାଗି । -ବିଶ୍ଵେଶ୍ୱର ମାଝୀ-
