ଜୟ ବାବା ଆଖଣ୍ଡଳମଣି
ଜୟ ବାବା ଆଖଣ୍ଡଳମଣି
ଜୟ ଜୟ ଜୟ ବାବା ଆଖଣ୍ଡଳମଣି
ନମସ୍ତେ ମହା ମହିମ ପ୍ରଭୁ ଶୂଳପାଣି ll
ନମସ୍ତେ ନମସ୍ତେ ପ୍ରଭୁ କଇଳାଶ ପତି
ଉତ୍କଳରେ ଆସି ପ୍ରଭୁ ଥାପିଲ ବସତି ll
ନମସ୍ତେ ନମସ୍ତେ ପ୍ରଭୁ ହିମବନ୍ତୀ ବର
ଆରଡ଼ିଗ୍ରାମରେ ବିଜେ ସୁନ୍ଦର ମନ୍ଦିର ll
ଉତ୍କଳରଗଙ୍ଗା ପୂତ ବୈତରଣୀ କୁଳେ
ସମର ସିଂହ ଅପୁର୍ବ କୀର୍ତ୍ତି ରଖିଗଲେ ll
ମଣିକ୍ଷେତ୍ରରେ ତୁମ୍ଭର ଗାରଡ଼ି ନ ଥାଏ
ଦୁଃସହ ଦୁର୍ଗତିମାନ ନାମେ ଉଡ଼ିଯାଏ ll
ନମସ୍ତେ ନମସ୍ତେ ନମଃ ପ୍ରଭୂ ପଞ୍ଚାନନ
ସାକ୍ଷାତେ ଅମୃତ ଅଟେ ତବ ଘରଷଣ ll
ଅନ୍ଧେ ଲଭନ୍ତି ନୟନ, ଅପୁତ୍ରିକେ ବଳା
ନମସ୍ତେ ନମସ୍ତେ ଦେବ ପଞ୍ଚଶରଜଳା ll
ନମସ୍ତେ ନମସ୍ତେ ପ୍ରଭୁ ନମସ୍ତେ ପିନାକି
ଅକର୍ମ କର୍ମ ଦାୟକ ! ଡାକି ଗଲି ଥକି ll
ନମସ୍ତେ ଅହି ଭୂଷଣେ ଶମଶାନ ବାସୀ
ହର ହର ମହାଦେବ ନାମ ହୁଏ ଘୋଷି ll
ନମୋନମ ଆଶୁତୋଷ ନମସ୍ତେ ଶଙ୍କର
ମଙ୍ଗଳମୟ ଦେବଙ୍କୁ କୋଟି ନମସ୍କାର ll