ଜୁଇ ତ ଜଳୁଛି
ଜୁଇ ତ ଜଳୁଛି
ଜୁଇ ତ ଜଳୁଛି ମଶାଣି ଭୂଇଁରେ
କାନ୍ଦଣା ଶୁଭେ ଦୁଆରେ
ସମୟ ଖୋଲିଛି ଦୁଃଖର ପସରା
ଦୁଃଖ ପ୍ରତି ଘରେ ଘରେ
ପ୍ରଭୁ, ସୁଖ ଯାଏ ବହୁ ଦୂରେ l0l
ସମୟର ଚକା ଭଉଁରୀ ଖେଳରେ
ସଂସାର ଉଚ୍ଛନ୍ନ ହୁଏ
କେତେକେତେ ଘର ଜନଶୂନ୍ୟ ହୁଏ
କେତେ ପାଗଳ ପରାଏ
ଗୃହଲକ୍ଷ୍ମୀ ହୋନ୍ତି ସାଧବା ବିଧବା
କାହାକୋଳ ଖାଲିଖାଲି ଆଜି ଅବା
କେ ପିତାମାତା ହରାଏ l1l
ବଦଳିବ କେବେ ସମୟର ଚକ
ସୁଖ ଫେରିବ ସଂସାରେ
ହସିବ ସଂସାର ହସିବ ଧରିତ୍ରୀ
ତୁମ ଆଡ଼ ଚାହାଁଣୀରେ
ଚାହଁ ଥରେ ତୁମେ ହେ କଳାଠାକୁରେ
ସୁଖ ଫେରିଆସୁ ତୁମ ଏ ସଂସାରେ
ବାନା ଉଡ଼ୁ ନିରନ୍ତର l2l