ଜରି ଗୋଟାଳି ମୁଁ

ଶବ୍ଦରୁ ସୃଜନ -29 : ଜରି ଗୋଟାଳି

ଜରି ଗୋଟାଳି ମୁଁ ବାଟେ-ଘାଟେ ବୁଲି ଅଳିଆରୁ ନିଏ ଜରି,

ପେଟ ପୋଷିବାକୁ ସକାଳୁ ବାହାରେ ବଡ଼ଅଖା ଖଣ୍ଡେ ଧରି ।

ସଭିଙ୍କ ଦୃଷ୍ଟିରେ ନିକୃଷ୍ଟ ଲୋକ ମୁଁ ଆବର୍ଜନା ଘାଣ୍ଟେ ବୋଲି,

ମୋର ପତ୍ନୀ କନ୍ୟା ସଭିଏଁ ଏ' ବୃତ୍ତି କରୁଥାଉଁ ବୁଲିବୁଲି ।

ଧୁଆଧୋଇ କରି ଜରି ପ୍ଲାଷ୍ଟିକକୁ କବାଡ଼ିବାଲାକୁ ଦେଉ,

ଆମ ରୋଜଗାର ହୁଏ ସେ ଜରିରୁ ସେ ଧନରେ ଆମେ ଖାଉ ।

ଆମ ସରକାର ଜରି ବ୍ୟବହାର ବନ୍ଦ କରନ୍ତି ସିନା,

ଧରମକୁ ସିଏ ମିଛ ଆଖିଠାର କେହି ମାନନ୍ତିନି ମନା ।

ସେଇ ଜରି ସିନା ବିଷାକ୍ତ ବାଷ୍ପକୁ ଛାଡ଼ିଥାଏ ପବନରେ,

ମାଟିରେ ମିଶେନା ଏଣେତେଣେ ଉଡ଼ି ଆବର୍ଜନା ସୃଷ୍ଟିକରେ ।

କେତେ କ୍ଷତିକରେ ଜୀବ ଜଗତର ଏଇ ପଲିଥିନି ଜରି,

ପରିବେଶ ଚିନ୍ତା ମଣିଷ କରେନା ଗୋମାତା ଯାଆନ୍ତି ମରି ।

ଅଜାଣତେ ମୁହିଁ ପରିବେଶ ରକ୍ଷା କରିଥାଏ ଜରିନେଇ,

ଏବେ କୁହ ତୁମେ ମାନବ ଜାତିର ସେବା କରୁଛି କି ନାହିଁ ?