ଜ୍ଞାନର ମାନ

ପାଠ ଦି ଅକ୍ଷର ସଜାଡି ଦେବ ସମ୍ପୂର୍ଣ୍ଣ ଜୀବନ

ଆଶ୍ରା ହେଲେ ହେଉ ଡିବିରି ସୂକ୍ଷ୍ମ ଧୃମୀଳ ଜ୍ଵଳନ

ଜ୍ଞାନ ପରାକାଷ୍ଠା ଦେଖାଇବ ଆଲୋକର ପଥ

ଲକ୍ଷେ ଉନ୍ନତି ର ଅବସର ଆଣିଦେବ ଦୁଇ ହାତ !!

ଅନ୍ତରେ ବୁଝି ଶିକ୍ଷା ମର୍ଯ୍ୟାଦା ବିଦ୍ୱାନ ଗଣେ ଗଣା

ପ୍ରତି ସମସ୍ୟା ସମାଧାନ ଥାଏ ସେ ଜନେ ଜଣା

ଶିକ୍ଷା ଆଲୋକ ଆଗେଇ ନେବ ବିଶ୍ଵ ସମୃଦ୍ଧି ପଥେ

ଶିକ୍ଷା ବିଜୟ କାଳ କାଳ କୁ ଜୀବନ ଯାତ୍ରା ଅନ୍ତେ !!

ଶିକ୍ଷା ଆଣିଛି ନୂତନ ଆଶା ନୂତନ ଜ୍ଞାନ କୌଶଳ

ଅନେକ କ୍ଷେତ୍ରେ ପରିବର୍ତ୍ତନ ଜାଗିଛି ମନୋବଳ 

ସମାଜ ଧାରା ଚିରାଚରିତ ତଂହିରେ ନୂତନ ଯୋଗ

ଯୁବ ପିଢିର କର୍ମ ପ୍ରବଣତା ଗଢ଼ିବ ସଂସାରେ ସ୍ବର୍ଗ !!

ଜ୍ଞାନର ଗାରିମା ପ୍ରତି ମନୁଷ୍ୟ ଅନ୍ତରେ ଗ୍ରହଣ କଲେ

ମାନବ ସଭ୍ୟତା ହେବ ମହାନ ବିଶ୍ଵ ଇତିହାସେ ଭଲେ !!