ଜ୍ଞାନ ସାଧାରଣ
ଜ୍ଞାନ ସାଧାରଣ
ଏତେ ଧନ ମାନ
ଗରିମା ବଡିମା
ଅନ୍ତରେ ଭରିଛ ହଳାହଳ,
ତୁଣ୍ଡି ପିନ୍ଧାଇଲ
ହାତ ଧୁଆଇଲ
ଗୃହେ ଆବଦ୍ଧ ବୃଦ୍ଧ ଆବାଳ ।
ନିର୍ଲଜ ଚାଇନା
ଧିକ ମନ୍ଦବୁଦ୍ଧି
ଧୂର୍ତ୍ତ ତୁମେ ମିଥ୍ୟା ବଡପଣ
କୋଟି କୋଟି ଲୋକ
ଭୟେ ଆତଙ୍କିତ
ନୀଚ୍ଚ ତୁମେ ସ୍ୱାର୍ଥ ପରାୟଣ ।
ଖୋଳ ନାହିଁ ଖାତ
ଅପର ପାଇଁ କି
ନିଜ ପାଇଁ କାଳ ବିପଦପୂର୍ଣ୍ଣ
ନିର୍ବଳ କାହାକୁ
ଭାବ ନାହିଁ ଜମା
ପାପେ କ୍ଷୟ ଶ୍ରେଷ୍ଠ ପୁଣ୍ୟବାନ ।
ଅତି ଚତୁରତା
ପ୍ରପଞ୍ଚ ତିକ୍ତତା
ନିଶା ଅତିକ୍ରମ ଶଠ ଫିସାଦ
କେଉଁ ଗୁଣପଣ
ଦେଖାଉଛ ଟାଣ
ମାନୁ ନାହଁ ସୀମା ସରହଦ ।
ବିନାଶ କାଳରେ
ବିପରିତ ବୁଦ୍ଧି
ପରିଣତି ହୁଏ ଭୟାନକ
ପଢ ନୀତି ଶିକ୍ଷା
ସାଧାରଣ ଜ୍ଞାନ
ବିଶ୍ୱ ପ୍ରଗତିରେ ନିହିତ ସୁଖ ।
ଯୁଦ୍ଧ ବିଭୀଷିକା
ଧ୍ୱଂସ ରଚେ ସିନା
ବିଶ୍ଵ ପାଇଁ ନୁହେଁ ମଙ୍ଗଳପ୍ରଦ
ରାଷ୍ଟ୍ର ସାର୍ବଭୌମ
ବ୍ୟକ୍ତି ସ୍ୱ।ଧିନତା
ମୂଲ୍ୟବାନ ଶାନ୍ତି ମାନବବାଦ ।
ଶୁଣିଛକି କେବେ
ଷଡ଼ଯନ୍ତ୍ର ରଚି
ଅରଜିଛି କେହି କେବେ ସୁନାମ
ବଡ଼ ଅଟେ ସିନା
ଶାନ୍ତି ମୈତ୍ରୀ ପ୍ରୀତି
ସତ୍ୟ ଅହିଂସା ପରମ ଧର୍ମ ।
ଜ୍ଞାନ ବିଶ୍ଵ ପ୍ରାଣ
ଜ୍ଞାନ ସୁସମ୍ପର୍କ
ଜ୍ଞାନରେ ବିକାଶ ସୁଖ ସମୃଦ୍ଧି
ରୋଗ ଦୁଃଖ କଷ୍ଟ
ଜ୍ଞାନେ ନିବାରଣ
ମାନବ କଲ୍ୟାଣେ ଜ୍ଞାନ ପ୍ରସିଦ୍ଧି ।।