ଲାଇବ୍ରେରୀ
ପ୍ରୋଫାଇଲ୍
ଜ୍ଞାନ ପ୍ରଦୀପ
ଜ୍ଞାନ ପ୍ରଦୀପ
ରାଗ:- ବଙ୍ଗଳା ଶ୍ରୀ
କର ଅଙ୍କୁରିତ ଜ୍ଞାନର ପ୍ରଦୀପ
ପ୍ରେମ ପ୍ରୀତି ଦିଅ ଭରି
ଗୁଞ୍ଜୁସେବାଭାବ ଅନ୍ତର୍ଗତ ତୋର
କୀର୍ତ୍ତି ଦିଅ ରାଷ୍ଟ୍ରେ ଭରି ।
ଦେଶର ଭବିଷ୍ୟ ଯୁବା ଓ ଯୁବତୀ
ଶିକ୍ଷା ଜ୍ଞାନେ ଦିଅ ମନ
ଅର୍ଜନ କର ତୁ ଜ୍ଞାନ ଓ ବିଜ୍ଞାନ
ଶାସ୍ତ୍ରରେ ହୁଅ ନିପୂଣ ।
କର ତୁ ନିର୍ମିତ ଉଜ୍ଜ୍ବଳ ଭବିଷ୍ୟ
ରାଷ୍ଟ୍ର ହିତେ କର କର୍ମ
ଆଗୁଆ ତୁ ହୁଅ ରାଷ୍ଟ୍ରର ନିର୍ମାଣେ
କର୍ତ୍ତବ୍ୟ, ମନୁଷ୍ୟ ଧର୍ମ ।
ଜ୍ଞାନର ପ୍ରଦୀପ ଅନ୍ତର୍ଗତେ ଥିବ
ଅସମ୍ଭବ ଯେ ସମ୍ଭବ
ଅମୃତ କାଳର ନୂଆ ଏ ଭାରତ
ଗୌରବ ଗାଥା ଲେଖିବ ।
ସତ୍ୟ ଅହଂକାର ମନ୍ତ୍ର ଗୁଞ୍ଜୁ ଥିବ
ଦୁଃଖେ ସୁଖେ ମୃଦୁ ଭାଷା
କାର୍ଯ୍ୟ କରୁଥିବା କର୍ତ୍ତବ୍ୟରେ ରହି
ରାଷ୍ଟ୍ର ନିର୍ମାଣରେ ଆଶା ।
ଜ୍ଞାନର ପ୍ରଦୀପ ଜୀବନ ଚନ୍ଦନ
ପ୍ରୀତି ଜଗନ୍ନାଥ ଯାର
ଜ୍ଞାନବୋଳୁଦେଖୁ ଚକାନୟନକୁ
କାହ୍ନୁ ଯେ ମୁରାରୀ ଧର ।
ସମ୍ମାନ ବୃଦ୍ଧଙ୍କ ଗୁରୁଜନ ଭକ୍ତି
ଜ୍ଞାନ ବୋଳୁ ପ୍ରାପ୍ତି ହୁଏ
କରେଜ୍ଞାନୀଜନ ପିତୃମାତୃ ସେବା
କର୍ତ୍ତବ୍ୟ ଜାଗ୍ରତ କରେ ।
ହୁଏ ଦୀପ୍ତିମାନ ମନ ଓ ମସ୍ତିଷ୍କେ
କର୍ମଯୋଗୀ ହୋଇଥାଏ
କରୁ ଥାଏ କର୍ମ ରାଷ୍ଟ୍ରର ଉତ୍ଥାନେ
ନୂଆ କୀର୍ତ୍ତି ଗଢି ଦିଏ ।
ହୁଏ ଜ୍ଞାନବନ୍ତ ଆଦର ସଂସାରେ
ସ୍ମୃତି ତାର ରହି ଯାଏ
ହୁଏ ସେ ମର୍ତ୍ତ୍ୟରେ ଅନୁକରଣୀୟ
ଜ୍ଞାନର ପ୍ରଦୀପ ହୁଏ ।
ବାଳକ ବାଳିକା ଜ୍ଞାନର ପ୍ରଦୀପ
ଶିକ୍ଷା ପରା ଅଟେ ରତ୍ନ
ଗ୍ରହଣ କରହେ ଅମୂଲ୍ୟ ରତ୍ନକୁ
କରୁ ଥିବୁ ତାର ଯତ୍ନ ।।
