ଜନତାଙ୍କୁ ପଦେ
ଜନତାଙ୍କୁ ପଦେ
ବରଷକ ପରେ ପାଳନ କରିଲୁ
ଜନ ରାଜ୍ୟ ଦିବସକୁ
ଏବେ ବି ସପନ ଲାଗୁଛି ଅଧୁରା
କହିବା ଅବା କାହାକୁ ?
ନିଜ ହାତେ ନିଜ ଦେଶ ଶାସନର
ଡୋରି ଦେଖି ହେଲୁ ଖୁସି
ଉଡାଇ ତ୍ରିରଙ୍ଗା ମହା ଆନନ୍ଦରେ
ପଲ୍ଲୀଠାରୁ ଦିଲ୍ଲୀବାସୀ l
ମାଓ ହିଂସା ସହ ଅରାଜକତାର
ଶୁଭୁଅଛି ପଦଧ୍ଵନି
ଅଜ୍ଞାନ, ଅଶିକ୍ଷା, ଦୁର୍ନୀତିର କଥା
ପାରିବି କେତେ ବଖାଣି ?
ବିଲେଇ ବେକରେ ଘଣ୍ଟି ବାନ୍ଧିବାକୁ
ସାହସ କରିନି ମୂଷା
ନୀରବ ରହିବା ଉଚିତ ମଣିବା
ବଞ୍ଚାଇବାପାଇଁ ପେଷା l
ତଥାପି ମନରେ ଆଶା ବାନ୍ଧି ଆମେ
ଯିବାରେ ନିତି ଆଗେଇ
ସାମ୍ୟ, ମୈତ୍ରୀ, ପ୍ରୀତି, ମମତା ଡୋରିରେ
ସଭିଙ୍କୁ ବାନ୍ଧିବାପାଇଁ l