ଜନନୀ

ଜନ୍ମଦାତ୍ରୀ ଜନନୀ ମୋ ଦେଶ

ତା କୋଳେ ବଢ଼ିଲି ତୋଳିଲି

ଫୁଲ ଫଳ ପିଇଲି ଝରଣା ଜଳ

ବିକଶିତ ହେଲି ପ୍ରକୃତିରେ ବଶ

ଜନନୀ ମୋ ରାଜ୍ୟର ବୃତ୍ତ

ଯାହା କ୍ଷେତ୍ରଫଳ ପରିସୀମା

ବ୍ୟାସ ବ୍ୟାସାର୍ଦ୍ଧ ଅକ୍ଷାଂଶ ଦ୍ରାଘିମା

ମତେ ଦେଲା ହସ ବାସ ରସ ଓ ରାସ

ମୋ ଜନନୀ ମୋ ଜିଲ୍ଲା ପରିଚୟ ଯିଏ ଦେଲା

ଗୁଣନ ହରଣ ମିଶାଣ ଫେଡ଼ାଣ ଜୀବନ୍ୟାସ

ମୋ ଜନନୀ ମୋ ଗାଁ ତା ପରିବେଶ

ସ୍ନେହ ପ୍ରେମ ଭାଇଚାରା ଶିଖାଇ ବିଶେଷ

ମୋ ଜନ୍ମଦାତ୍ରୀ ଜନନୀ ମୋ ମାଆ

ମୁଁ ଯେବେ ପ୍ରଥମ ଶବ୍ଦ କହିଲି କୋ ଅହଂ

ମୁଁ କିଏ ପ୍ରଶ୍ନ ଉତ୍ତରରେ ସେ କହେ ସୋ ଅହଂ

ତୁ ସିଏ ମୋ କୋଳ ମଣ୍ଡନ କରିଛି ଯିଏ

ମୋ ସୁନା ପଞ୍ଜୁରୀ ପକ୍ଷୀ କରିବୁ

ମା ଦୁଃଖ ହ୍ରାସ ଫେଡ଼ି ସନ୍ତ୍ରାସ

ଦୁଃଖେ ସୁଖେ ତୋ ପାଇଁ ମୁଁ

ମୋ ପାଇଁ ତୁ ସାହିତ୍ୟ ବିଜ୍ଞାନ ଭୂଗୋଳ ଗଣିତ

ସଂସ୍କୃତି ପରମ୍ପରା ଭାଗ୍ୟ ଅବଶ୍ୟ ।