ଲାଇବ୍ରେରୀ
ପ୍ରୋଫାଇଲ୍
ଜଣାଣ କରୁଛି ପ୍ରଭୁ
ଜଣାଣ କରୁଛି ପ୍ରଭୁ
1 min
225
ନେତ୍ର ଉତ୍ସବରେ ଦେବ ଦରଶନ
ହେ ମୋର କଳା ଗୋସାଇଁ
ନର ଜନମ ମୋ ହୋଇବ ସାର୍ଥକ
ଆହେ ପ୍ରଭୁ ଭାବଗ୍ରାହୀ।
ତୁମ ଦରଶନ ନ ପାଇ ମଣିମା
ବିକଳ ଥିଲା ପରାଣ
ଦିବସ ରଜନୀ ତୁଚ୍ଛ ଲାଗୁଥିଲା
ନ ଦେଖି କଳା ବଦନ
ଏ ନେତ୍ର ଉତ୍ସବ ହରିଛି ବିଷାଦ
ଦେଖିବି ଶ୍ରୀମୁଖ ମୁହିଁ।
କରୁଛି ଜଣାଣ ହେ ଜଗଜ୍ଜୀବନ
ତୁମ ଶ୍ରୀମୁଖକୁ ଚାହିଁ
ସବୁ ପାପ ତାପ ମୋଚନ ହୋଇବ
ସଂସାରୁ ତରିବି ମୁହିଁ
ଜନମ ଜନମ ପାପ ଧୋଇ ଯିବ
ଆହେ ନୀଳାଦ୍ରି ଗୋସାଇଁ।
