ଜନ୍ମଦିନ

ଜନ୍ମଦିନ ଆସେ ଶୁଭେଚ୍ଛାର ସାଥେ

ଅନେକ ଅଭିନନ୍ଦନ,

ହସଖୁସି ପାଇଁ ଦିନରାତି ସାରା

ଆଶିଷେ କଟେ ଜୀବନ l

ଯେତେ ଦୁଃଖ ଥାଏ ମନରେ ଆମର

ସବୁ ଦୁଃଖ ଭୁଲିଯାଉ,

ହସରେ ଖୁସିରେ ସଭିଙ୍କ ସାଥିରେ

ଜନ୍ମଦିନ ତ ବିତାଉ l

କୁସୁମିତ ହେଉ ଚଲାପଥ ପରା

ଗୁରୁଜନେ ଆଶୀର୍ବାଦ,

ସତ୍ୟ ଶିବ ସୁନ୍ଦରର ଭାଗ୍ୟ ମନେ

ପୁଲକେ ଦୂର ଦରଦ l

ହାର୍ଦ୍ଦିକ ଶୁଭେଚ୍ଛା ଜନମ ଦିନର

ବନ୍ଧୁଙ୍କୁ ଆମେ ଜଣାଉ,

ଧରି ଉପହାର ଜନ୍ମ ଦିନେ ତାର

ସହଯୋଗ କରିଥାଉ l

ଜନ୍ମଦିନ

Advertisement

ର ସମୟଟି ପରା

ଦିଅଇ ଅଭିନନ୍ଦନ,

ସ୍ରଷ୍ଟାଙ୍କର ସୃଷ୍ଟି ବିଚିତ୍ର ଅଟଇ

ହୁଅଇ ଆଶା ପୂରଣ l

ଆନନ୍ଦ ଉଲ୍ଲାସେ ଆଗ୍ରହର ଦିନ

ଜନ୍ମଦିନ ଶୁଭ ଦିନ,

ସ୍ଵନକ୍ଷତ୍ର ହୁଏ ଜନ୍ମର ବରଷେ

ସ୍ନେହ ଶ୍ରଦ୍ଧା ପାଇବାର l

ଜନମ ଦିନରେ କରୁ ନିବେଦନ

ଆୟୁ ବିଦ୍ୟା ବୃଦ୍ଧି ଚାହିଁ,

ଦିଅ ହେ ସାହାସ ବଢ଼ୁ ଏ ବିଶ୍ୱାସ

ବିଭୁଙ୍କୁ ପ୍ରାର୍ଥନା ଏହି l

ଜନମ ଦିନର ଶୁଭ ଅବସରେ

ଅଜସ୍ର ଆଶିଷ ପାଉ,

ଦୀର୍ଘ ଜୀବନ କାମନା ପାଇଁ ସଦା

ବନ୍ଧୁବର୍ଗ ଲୋଡ଼ିଥାଉ  l