ଜଙ୍ଗଲରେ ପାଠପଢ଼ା

ବାଘମାମୁଁ ଦିନେ ସଭାଟେ ଡାକିଲେ 

ବିଲୁଆ ନନାକୁ କହି, 

ପାଠ ପଢି ସବୁ ହେବେ ବୁଦ୍ଧିମାନ 

ଦୁଃଖ ଯିବ ଦୂର ହୋଇ |

ବିଲୁଆ ଧାଇଁଲା ବେଗହୋଇ ପୁଣି 

ଜଣାଇବ ସୁସମ୍ବାଦ, 

ବାଟେ ଯାଉଯାଉ ହାବୁଡେ ପଡିଲା 

ପ୍ରଥମରେ ଗୋଟେ ଗଧ |

ଗଧକୁ କହିଲା କାଲି ଯିବୁ ତୁହି 

ବାଘମାମୁଁ ସଭାସ୍ଥଳ, 

ପାଠ ପଢ଼ା ପାଇଁ ସଭା ଅନୁଷ୍ଠିତ 

ସବୁ ଜୀବ ହେବେ ମେଳ |

ସକାଳ ପାହିଲା ସୂରୁଜ ଉଇଁଲା 

ଜୀବ ଜନ୍ତୁ ଠୁଳ ହେଲେ, 

ବାଘମାମୁଁ ଦେଲେ ଶୁଭ ବାରତାକୁ 

ଆନନ୍ଦେ ତାଳି ମାରିଲେ |

ସଭା ଶେଷ ପରେ ଗଧ ପହଁଞ୍ଚିଲା 

ସଭିଏଁ ଦେଖି ହସିଲେ, 

ତାତ୍ସଲ୍ୟ କରିଲେ ସମସ୍ତେ ତାହାର 

ମାଟି ଉପରେ ଗଡ଼ିଲେ |

ପାଠ ପଢି କିସ କରିବୁରେ ଗଧ 

ନାମର ସାର୍ଥକ ରଖ, 

ସମୟର ମୂଲ୍ୟ ବୁଝୁନାହୁଁ ବୋଲି 

ନାଁ ଟି ତୋହର ଗଧ |

ଅଳସୁଆ ହୋଇ ବୁଲୁସିନା ତୁହି 

ପିଠିରେ ବୋକଚା ବୋହି, 

ପାଠର ମହତ୍ୱ ତୁ କି ବୁଝିବୁ 

ରହିଥା ତୁ ଗଧ ହୋଇ |

ସମୟକୁ କେହି ପାଦରେ ଆଡେଇ

ବଡ଼ କେବେ ହୋଇନାହିଁ, 

ବୁଝି ବିଚାରି ତୁ କାର୍ଯ୍ୟ କରୁଥିଲେ 

ଦୁଃଖ ଜୀବ ଦୂର ହୋଇ |