ଜମା ବୁଝି ହେଉନି

ଶୁଣ ମୋର ଭାଇ ଭଉଣୀ   

    କହେ ଗୋଟିଏ କଥା

ଏଇଦୁନିଆଁ ରେ ହେଉଛି

   ଯେତେ ଅଜବ କଥା ।

ଭିକ ମାଗିବାକୁ ମଣିଷ

    ଆଜି ଲାଜ କରନ୍ତି

ଟଙ୍କାରେ ଚାଉଳ ପାଇଁକି

     ଯାଇ ଧାଡି ବାନ୍ଧନ୍ତି ।

ମାଗି ଖାଇବାକୁ ମଣିଷ

    ଆଜି ଘୃଣା କରନ୍ତି

ଭାତ ଡାଲମା କେନ୍ଦ୍ରରେ

     ଯାଇ ଭିଡ଼ ଜମାନ୍ତି ।

ଗରିବ କହିଲେ ମଣିଷ

    ଆଜି ଚିଡି ଉଠନ୍ତି

ବି ପି ଏଲ କାର୍ଡ ପାଇଁକି

   ଯାଇ ଲବୀ ଲଗାନ୍ତି,

ଗରିବଙ୍କ ପାଇଁ ଯୋଜନା

     ସରକାର କରିଛି

ଯୋଜନା ସବୁକୁ ମଣିଷ

   ଆଜି ମାରି ନେଉଛି ।

ପଶୁ କହିଦେଲେ ମଣିଷ

    ଆଜି ରାଗି ଉଠନ୍ତି

ବାଘ କହିଦେଲେ ମଣିଷ

   ଗର୍ବେ ଫାଟି ପଡ଼ନ୍ତି ।

ବାଘ ଟା କି ପଶୁ ନୁହଁଇ

   କିଛି ଜାଣି ହେଉନି

ଆଜିର ମଣିଷ ବିଚିତ୍ର

  ଜମା ବୁଝି ହେଉନି ।