ଜଳୁଛି ଜୀବନ
ଜଳୁଛି ଜୀବନ
ଜଳୁଛି ସହର ଜଳୁଅଛି ପଲ୍ଲୀ
ଜଳୁଛି ପାହାଡ଼ ବନ
ଯୁଆଡେ ଚାହିଁଲେ ହା,ହା,କର ଏଠି
ବ୍ୟସ୍ତ ଲାଗୁଛି ଜୀବନ ।
ଧରା ପୃଷ୍ଠ ଆଜି କରୁଛି ତାଣ୍ଡବ
ଏ ମହାମାରୀ ଶବ୍ଦରେ
ହସ,ଖୁସି ଆଜି ନେଉଛି ଛଡାଇ
ଭିଜୁଛି ଅଶ୍ରୁର ଧାରେ ।
ମନର ଭୟକୁ ଜାଗ୍ରତ କରୁଛି
କରୋନା ନାମ ଭୂତାଣୁ
ସଭିଙ୍କ ଆଖିରୁ ନିଦ ହଜାଇ ସେ
ହେଉଅଛି ଗୁଣୁ ,ଗୁଣୁ ।
ବାଳ ଠାରୁ ବୃଦ୍ଧା ରୋଗରେ ଜଡିତ
କାନ୍ଦୁଅଛି ପରିବାର
କାହା ଘରେ ଏଠି ଜଳୁ ନାହିଁ ଚୁଲି
ଜଳୁଛି ଯୂଇ ର ଘର ।
ଲିଭୁ ନାହିଁ ନିଆଁ ଶ୍ମଶାନ ଘାଟରେ
ସଢ଼ୁଛି ମର ଶରୀର
କିଏ କାହା ମୁଖ ଦେଖି ପାରୁନାହିଁ
ଛୁଇଁ ବା କଥାତ ଦୂର ।
ଖାଇବାକୁ ଏଠି ମିଳୁନାହିଁ ଗଣ୍ଡେ
ଭୋକରେ ଜଳୁଛି ପେଟ
ଦୁଃଖୀ ଦରିଦ୍ରଙ୍କ ଜୀବନ କାନ୍ଦୁଛି
ଶୂନ୍ ଶାନ୍ ରାସ୍ତା ଘାଟ ।