Library
Profile
"ଜଳିବାର ଆନନ୍ଦ"
"ଜଳିବାର ଆନନ୍ଦ"
ଜଳିବାର ଆନନ୍ଦ
ଜାଳିବାରେ ନ ଥାଏ
ମରିବାର ଆନନ୍ଦ
ମାରିବାରେ ନ ଥାଏ
ବିରହ ଆନନ୍ଦ
ମିଳନରେ ନ ଥାଏ
ମୁକ୍ତିର ଆନନ୍ଦ
ବନ୍ଧନରେ ନ ଥାଏ ।
ତ୍ୟାଗ ର ଆନନ୍ଦ
ଭୋଗରେ ନ ଥାଏ
ବିୟୋଗର ଆନନ୍ଦ
ଯୋଗରେ ନ ଥାଏ
ଦେବାର ଆନନ୍ଦ
ନେବା ପାଇବାପରେ ନ ଥାଏ
ଦୁଃଖ ର ଆନନ୍ଦ
ସୁଖରେ ନ ଥାଏ
ଭୋକର ଆନନ୍ଦ
ଧନ ଓ ଧନିକ ପାଶେ ନ ଥାଏ ।
ଅହିଂସା ଆନନ୍ଦ
ହିଂସା ରେ ନ ଥାଏ
ସଞ୍ଜମତାର ଆନନ୍ଦ
ନିଶାରେ ନ ଥାଏ
ମା'ର ସ୍ନେହ ଆଦର
ମାଉସୀ ଠି ନ ଥାଏ
ଗାଁ ର ଆନନ୍ଦ
ସହରେ ନ ଥାଏ
ଝୁମ୍ପୁଡି ଘରର ଆନନ୍ଦ
କୋଠାଘରେ ନ ଥାଏ
ବାସୀ ପଖାଳର ଶାନ୍ତି ଓ ଆନନ୍ଦ
ପଲଉ ବିରିୟାନିରେ ନ ଥାଏ ।
ସାମୂହିକତାର ଆନନ୍ଦ
ସ୍ଵାର୍ଥପରତାରେ ନ ଥାଏ
ଶ୍ରମର ଆନନ୍ଦ
ଭିକ୍ଷାରେ ନ ଥାଏ
ବିଲ ବାଡି ରୁ ସୃଷ୍ଟ
ଧାନ ଚାଉଳ ର ଆନନ୍ଦ
ପଡି ଚାଉଳରେ ନ ଥାଏ
ମା ହାତ ରନ୍ଧା
ଶାଗ ପଖାଳ ଆନନ୍ଦ
ପଞ୍ଚତାରକା ହୋଟେଲ ରେ ନ ଥାଏ
ଆମ ସଂସ୍କାର, ସଂସ୍କୃତି
ପରମ୍ପରା ର ଆନନ୍ଦ
ବିଦେଶୀ ନଗ୍ନ ଚଳଣୀରେ ନ ଥାଏ
ବିଶ୍ଵ ମାତୃକା ର ସେବାରେ ଆନନ୍ଦ
ସ୍ଵାର୍ଥପର ହୋଇ ଦେଶ ଦେଶ ମଧ୍ୟେ
ଦ୍ଵନ୍ଦ୍ଵ ଯୁଦ୍ଧରେ ନ ଥାଏ
ଶାନ୍ତି, ମୈତ୍ରୀ, ଅହିଂସା ର ଆନନ୍ଦ
ହିଂସା, ଦ୍ୱେଷ ଓ ଯୁଦ୍ଧରେ ନ ଥାଏ
ଦେଶ ମାତୃକାର ସେବା କରି
ବିଶ୍ଵ ଜନନୀର ପୂଜା କରି
ମାନବ ଜାତିକୁ ଜୀବ ଜଗତକୁ
ବଞ୍ଚି ବଞ୍ଚାଇବାର ଆନନ୍ଦ
ସମଗ୍ର ବିଶ୍ବକୁ ଧ୍ଵଂସ ଆଡ଼କୁ
ଠେଲିବାରେ ନ ଥାଏ ।
