ଜିଜ୍ଞାସା

ଜିଜ୍ଞାସା ହେଉଛି ଜ୍ଞାନ ପ୍ରାପ୍ତିପାଇଁ ସର୍ବଶ୍ରେଷ୍ଠ ସତ୍ୟମାର୍ଗ,

ଜିଜ୍ଞାସା ନଥିଲେ ଖାଇ ବଞ୍ଚିଥିଲେ ଜାଣିବା ଆମ ଦୁର୍ଭାଗ୍ୟ |

ଶିଶୁଠାରେ ଥାଏ ଅଧିକ ଜିଜ୍ଞାସା ସୁଯୋଗ ସୁବିଧା ଦେଲେ,

ମହାଜ୍ଞାନୀ ହୁଏ ପରିବେଶ ପରିସ୍ଥିତି ଅନୁକୂଳ ହେଲେ |

ଯେଉଁଲୋକ ଯେତେ ପଚାରି ବୁଝିବ ସେତେ ନୂଆକଥା ଜାଣି,

ଅଜ୍ଞାନ ହେଲେ ବି ଦୁନିଆକୁ ଚିହ୍ନି ସମସ୍ୟାକୁ ଯିବ ଜିଣି |

ସବୁବେଳେ ଆମ ଭାଗ୍ୟ ଆକାଶରେ ଉଇଁଥାଏ ତାରା ଜ୍ୟୋତି,

ସୁଖ-ସମ୍ପଦରେ ଦିଶେନାହିଁ ତାହା ଦିଶେ ହେଲେ ଦୁଃଖରାତି |

ମନରେ ବିଷାଦ ରହିଥିବ ଯଦି ସୁଖ ଆସି ଫେରିଯାଏ,

ଆନନ୍ଦ ମିଳେନା ସୁଖ ଖୋଜୁଥିଲେ ଅପ୍ରାପ୍ତି ହୋଇ ସେ ରହେ |

କିଛି ଦେଇଯିବା କିଛି ଛାଡ଼ିଯିବା କିଛି ପାରିବାନି ନେଇ,

ଯେତେ ଗୋଟେଇବା ଧନ-ଜନ-ମାନ ସବୁ ଯିବ ଶୂନ୍ୟହୋଇ |