ବରଷା ଦିନର କଥା

ଟୁପୁରୁ ଟୁପୁରୁ ବରଷା ପାଣିରେ

  ଭିଜୁଛନ୍ତି ଆଜି ପିଲାଏ ଯାଇ 

ଖେଳ ଛୁଟି ଘଣ୍ଟା ବାଜିବାରୁ

  ସ୍କୁଲ ଭିତରକୁ ଆସିଲେ ଧାଇଁ 

ହେଲା ତନାଘନା କିଏ ଭିଜୁ ଥିଲା

  ବର୍ଷା ପାଣିରେ ଯାଇ

 ସବୁଠୁ ସରସ ବେତଟିଏ ଆଣ

   ପିଲାଏ ସେମାନଙ୍କ ପାଇଁ

  ବେତ,ନା ଶୁଣି ପିଲାଙ୍କ ମୁହଁରେ

   ହସଯେ ଉଭେଇ ଗଲା

  ମନ ଡରୁଥାଏ,ଦେହଥରୁ ଥାଏ

   ଆଖିରୁ ଛଳଛଳ ଲୁହ ବୋହିଲା

  ନେହୁରା ହୋଇଲେ ଗୁରୁଜୀ ଙ୍କ ପାଶେ

   ଏମିତିକା ଭୂଲ କରିବୁ ନାହିଁ

 ବରଷା ପାଣିକୁ ଯିବୁନାହିଁ କିଏ

   ଗୁରୁଜୀ ଆମକୁ ମାରନ୍ତୁ ନାହିଁ

  ପିଲାଙ୍କ କହିବା କଥା ଶୁଣି

    ଗୁରୁଜୀ ଙ୍କ ମନ ତରଳି ଗଲା

  ବରଷା ପାଣିକୁ ଆଉ କେବେ ଗଲେ

    ମାଡ଼ର ପ୍ରାହାର ଦୁଇଗୁଣ ହେଲା

   ଗୁରୁଜୀ ଙ୍କ ଏହି କଥା ଶୁଣି

     ପିଲାଙ୍କ ମୁହଁରେ ହସ ଫୁଟିଲା

   ସ୍କୁଲବାହାରେ କଳାହାଣ୍ଡିଆ ମେଘ ସହିତ

      ବରଷା ପାଣିରେ ଚାରିଆଡ଼ ଭିଜିଲା ।