ମେଘୁଆ ପାଗ
ମେଘୁଆ ପାଗ
ମେଘୁଆ ପାଗରେ ବରଷା ନାହିଁ
ଯୁଆଡେ ଦେଖିଲେ ସିଆଡେ ଛାଇ l
ବରଷିବ କେବେ ଭରସା ନାହିଁ
କେବେ ଖେଳେ ସେତ ଆଲୁଅ ଛାଇ l
ବାହାରେ ଯିବାକୁ ଇଛା ମୋ ନାହିଁ
କାମ କରିବାକୁ ମାନ୍ଦା ଲାଗଇ l
ଝିପି ଝିପି ହେଲେ ମେଘ ବରଷା
କାଦୁଅ ପାଣିରେ ବୁଲିବା ନିଶା l
ପିଲାବେଳେ ଥିଲା ବହୁତ ମଜ୍ଜା
ଖାଉଥିଲେ ଆମେ ଅନେକ ସଜା l
ଦଳ ଦଳ ହୋଇ ଉଡ଼ିଛି କଙ୍କି
ଲାଞ୍ଜେ ସୂତା ବାନ୍ଧି ଧରିଛୁ ଝିଙ୍କି l
ସୋରିଷ ତେଲରେ ମୁଢି ପିଆଜ
ସ୍ୱାଦ ମନେ ପଡେ ତାହାର ଆଜ l
ଥିଲା ଆମର ସେ ମେଘୁଆ ପାଗ
ମନରେ ଦେଇଛି ବଡ଼ ସରାଗ l
କଳା ମେଘ ଦେଖି ମୟୁର ନାଚେ
ଚାଷୀ ପୁଅ ତାର ଲଙ୍ଗଳ ଯୋଚେ l
ଚାଷୀ ପୁଅ ମୁଣ୍ଡେ ରଖି ପକ୍ଷୀଆ
କରି ନାହିଁ ହଳ ଲଙ୍ଗଳ ଠିଆ l
ରଖିଛି ସେ ଚାଷ ପରେ ଭରସା
ଛାଡି ନାହିଁ କେବେ ତାର ନିଶା l
ତାହାରି ଶ୍ରମରେ ଭରିଛି ପେଟ
ଆଜି ଦୁନିଆଁରେ ସେତ ସମ୍ରାଟ l
ଧନ୍ୟ ତୁ ଆମର ମେଘୁଆ ପାଗ
ତୋ ପାଇଁ ହୁଅନ୍ତି ସବୁ ସଜାଗ l