ଲାଇବ୍ରେରୀ
ପ୍ରୋଫାଇଲ୍
ମୋତେ କରିଦିଅ କ୍ଷମା
ମୋତେ କରିଦିଅ କ୍ଷମା
ତୁମକୁ ଭଲପାଏ ବୋଲି
ବାରବାର ମୁ କହଇ. କିନ୍ତୁ ...
ବଦଳିବାକୁ ଚାହେଁନା ମୁ ତୁମ ପାଇଁ
ପ୍ରଭୁ ତୁମ ଖୁସି ଠାରୁ ବଳି
ମୋ ଖୁସି ବଡ ମୋ ପାଇଁ
ହୃଦୟରେ ଆସେ କିନ୍ତୁ
କହେ ରେ ଚାଲାକି ମନ
ଏ ଛଳନା ନୁହେଁ ତ ଆଉ କଣ
ହେ ପ୍ରିୟପରମ ମୋର
ମୋତେ କରିଦିଅ କ୍ଷମା
ଏପରି ଭୁଲ୍ ଆଉ କରିବିନି ଜମା ।।
ତୁମ ପସନ୍ଦିତା ଖାଦ୍ୟ
ନୁହେଁ ମୋର ପ୍ରିୟ
ତୁମ ଜୀବନଶୈଳୀ
ମୋଠୁ ଅନେକ ଦୂର ପରି
ସପନରେ କେବେ
ଭାବିନି ହେବାକୁ ତୁମ ପରି କିନ୍ତୁ
ତୁମର ଆଦେଶକୁ ଅବମାନ କରି
ଆଶୀର୍ବାଦ ମାଗେ ଅଭିମାନ କରି ll
ହୃଦୟରେ ଆସେ କିନ୍ତୁ
କହେ ଯାର ଆଦର୍ଶେ ତୁ ଜିଇଁ ନାହୁଁ କେବେ
ତାଙ୍କୁ ଜୀବନ ମାଗୁ ତୁ କେଉଁ ଗରବେ
କହେ ରେ ଚାଲାକି ମନ
ଏ ଛଳନା ନୁହେଁ ତ ଆଉ କଣ
ହେ ପ୍ରିୟପରମ ମୋର
ମୋତେ କରିଦିଅ କ୍ଷମା
ଏପରି ଭୁଲ୍ ଆଉ କରିବିନି ଜମା ।।
ତୁମ୍ଭ ଚଳନକୁ ଭୁଲିଯାଇ
ଚରଣ ପୂଜାର ଫାଙ୍କି ମୁ ମାରଇ
ଶପଥ କରୁଛି ତୁମରି ପାଶେ
ଜିଇଁବି ଜୀବନ ତୁମରି ଆଦର୍ଶେ
ତୁମ୍ଭର ପସନ୍ଦ ସବୁ ମୋର ପ୍ରିୟ
ତୁମେ ହିଁ ମୋ ଆଦର୍ଶ ମୋ ପରମ
ପ୍ରେମମୟ ଏତିକି ବିନତୀ ପ୍ରଭୁ
ତୁମ ପାଶେ ମୋର
ଶକ୍ତି ଦିଅ ଚାଲିବାକୁ ଈଛାରେ ତୁମର
ତୁମ୍ଭ ଠାରୁ ପ୍ରିୟ କେ ନଆସୁ ଜୀବନେ
ଏତିକି ହୃଦୟରୁ ଜଣାଏ ନିବେଦନେ
ହେ ପ୍ରିୟପରମ ମୋର
ମୋତେ କରିଦିଅ କ୍ଷମା
ଏପରି ଭୁଲ୍ ଆଉ କରିବିନି ଜମା ।।
