ଜୀଵନ ଯାତ୍ରା

ଜୀବନ ଯାତ୍ରାରେ ଆସେ ଅସୁବିଧା ସେ ସବୁ ବିପଦ ନୁହେଁ,

ଆମରି ଭିତରେ ଲୁଚି ରହିଥିବା ଶକ୍ତି କାଢ଼ିବାକୁ ଚାହେଁ |

ଆଖିର ଭାଷାକୁ ପଢ଼ିହୁଏ ସିନା ବୁଝିହୁଏ ସହଜରେ,

ହୃଦୟର କୋହ ଦେଖିହୁଏ ନାହିଁ ଲୁଚି ରହେ ହୃଦୟରେ |

ଅନ୍ତରଙ୍ଗ ବନ୍ଧୁ ବୁଝେ ମନକଥା ପଢ଼ିପାରେ ହୃଦବ୍ୟଥା,

ଭଲବନ୍ଧୁ ବୁଝି ପଢ଼ିପାରେ ଆଖି ଆଉ ହୃଦୟର କଥା |

କିଏ ମୋତେ କିଛି କହିଦେଲା ବୋଲି କାହିଁକି ଡରିବି ମୁହଁ,

ସେ କଥାକୁ ମୋତେ ଗୁରୁତ୍ୱ ନଦେଲେ ପ୍ରଭାବ ରହିବ ନାହିଁ |

ରତ୍ନର ଭଣ୍ଡାର ସାଗରରୁ କିଏ ଖୋଜି ପାଇଯାଏ ମୋତି,

କିଏ ଧରେ ମାଛ ଆଉ କିଏ ପୁଣି ବାଲି ତୋଳୁଥାଏ ନିତି |

ନିଜର ଇଚ୍ଛାରେ, ଚେଷ୍ଟାରେ, ନିଷ୍ଠାରେ, ଶ୍ରମରେ ମିଳିବ ତାହା,

ସାଗର ତୀରରେ ବସି ଦେଖୁଥିଲେ ଖାଲି ହେବ ଆହା-ଆହା |