ଜୀବନଟା ଏକ ରଙ୍ଗ ମଞ୍ଚ

ମଣିଷ ଜୀବନ ଅଭିନୟ ପୂର୍ଣ୍ଣ,

ଜୀବନଟା ଏକ ରଙ୍ଗମଞ୍ଚ ।

ବେଳେ ବେଳେ ଏଠି ସତ ଭୁଲିଯାଇ,

କହିବାକୁ ପଡେ ପୁଣି ମିଛ ।।

ଅଭିନୟ ପାଇଁ ଅସଜଡା କିଛି,

ସଜାଡି ହୁଅଇ ବେଳେବେଳେ ।

ସଜଡା ଜିନିଷ ଅଭିନୟ ପାଇଁ,

ଭାଙ୍ଗି ଯାଏ ପୁଣି କେତେବେଳେ ।।

ସମୟ ସହିତ ତାଳ ଦେଇ ଯେବେ,

କରିନପାରିବ ଅଭିନୟ ।

ଜୀବନଟା ନିଶ୍ଚେ ହୋଇବ ବିଫଳ,

ହରେଇବ ତୁମେ ନିଜ ଲୟ ।।

ସବୁବେଳେ ସତ ନ ଦିଅଇ ଖୁସି,

ଅଭିନୟ କିନ୍ତୁ ଖୁସି ଦିଏ ।

ସେହି ଖୁସି ପାଇଁ ଅଭିନୟ ପୁଣି,

ଆମ ଜୀବନରେ ସାଥେ ଥାଏ ।।

ପରିସ୍ଥିତି ସହ ସାମ୍ନା କରିବାକୁ,

ଅଭିନୟ ଏକ ଭଲ କଳା ।

ଭଲ ଅଭିନୟ ଆଦରି ନିଅ ହେ,

ନକର ଏଥିରେ ଅବହେଳା ।।