Library
Profile
ଜୀବନ୍ତ ଈଶ୍ୱର
ଜୀବନ୍ତ ଈଶ୍ୱର
ପିତା ମାତା ଅଟେ ଡୀବନ୍ତ ଠାକୁର
ସମସ୍ତେ କହନ୍ତି ଏହା
କହି କି ପାରିବ ଏଇ ଦୁନିଆରେ
ପାଳନ୍ତି କେତେ ବା ତାହା ।
କହିଲା ବେଳକୁ ସମସ୍ତେ କୁହନ୍ତି
ସେବା କରିବାକୁ ନାହିଁ
ଖାଇବାକୁ ଦେବା ଦୂରର ତ କଥା
ବାଟ ଭାଙ୍ଗି ଯାନ୍ତି ତହିଁ ।
ଜୀବିତ ଠାକୁର ସେବା ନ କରି ସେ
ପଥର ଠାକୁର ପୂଜେ
ଜୀବନ୍ତ ଈଶ୍ବରରେ କଷ୍ଟ ଦେଇ ସିଏ
ନିଜ ପାଇଁ ସୁଖ ଖୋଜେ ।
ଖାଇବାକୁ ଯିଏ ପାଟି ଖୋଲି ମାଗେ
ତାକୁ ସିଏ ଦିଏ ନାହିଁ
ନିର୍ଜୀବ ଦେହରେ ମାନସିକ କରି
ଭୋଗରାଗ ଢାଳେ ତହିଁ ।
ସେଥିରେ କି ପୂଣ୍ୟ ରହିଛି ତାହାର
ନିଜେ ଭାବି ଚିନ୍ତି କୁହ
ନିଜ ସ୍ବାର୍ଥ ପାଇଁ ଅନ୍ୟ ଖୁସି ଲୁଟି
ଆଖିରେ ଯେ ଭରେ ଲୁହ ।
ପ୍ରତିଟି ଜୀବନେ ଈଶ୍ବର ଅଛନ୍ତି
ଜୀବନ୍ତ ଈଶ୍ବର ସିଏ
ତାଙ୍କୁ ଯଦି ସୁଖ ଶାନ୍ତିରେ ରଖିବ
ପୂଣ୍ୟ ଧର୍ମ ପ୍ରାପ୍ତ ହୁଏ ।
ଓପାସରେ ଯିଏ ରହିଥିବ ଦୁଃଖେ
ତାକୁ ଖାଇବାକୁ ଦେଲେ
ତା ଓଠ ହସରେ ଯେଉଁ ଆଶୀର୍ବାଦ
ପାଇବନି କେବେ ଭଲେ ।
ଜୀବନ୍ତ ଠାକୁର ବୃକ୍ଷଟି ଆମର
ତା ବିନା ନାହିଁ ଗତି
ତାକୁ ଯଦି କାଟି ଧ୍ବଂସ କରି ଦେବ
ପ୍ରକୃତି ହୋଇବ ଇତି ।
ଗୋମାତା ଆମର ଜୀବନ୍ତ ଈଶ୍ବର
ଆମକୁ ପାଳୁଛି ସିଏ
ତା ପାଇଁ ଆମ ସମ୍ବଳ ବଢୁଛି
ବଳ ସେ ଯୋଗାଇ ଦିଏ ।
ପ୍ରତିଟି ଜୀବନ ଜୀବନ୍ତ ଈଶ୍ବର
ସେବା କଲେ ମନ ଜାଣି
ତାଙ୍କ ଆଶୀର୍ବାଦେ ସୁଖରେ ଚାଲଇ
ସଂସାର ସୁଖ ତରଣୀ ।
ଜୀବନ୍ତ ଈଶ୍ବର ପାଦରେ ସର୍ବଦା
କର ଭକ୍ତି ପ୍ରଣିପାତ
ସେଇ ଆଶୀର୍ବାଦେ ଉଜ୍ଜଳ ହୋଇବ
ତାର ଭାଗ୍ୟ ଭବିଷ୍ୟତ ।
