ଜୀବନସାଥୀ

ଭାଗ୍ୟ ମତେ ଆଣି ପହଞ୍ଚାଇଦେଲା                                           ଏମିତି ଶିଖର ସ୍ଥଳେ

ଉଚ୍ଚ ବେତନରେ ଚାକିରି କରିଛି 

           ଦେଶବିଦେଶ ମୁଁ ବୁଲେ

ସଭିଏଁ କହନ୍ତି ବାହାହେବ ତମେ 

             ଝଲମଲ ପ୍ରାସାଦରେ

ଜୀବନ ତୁମର ବିତିବ ବୃହତ 

          ଆୟବ୍ୟୟର ଅଟକଳରେ

ଶାଶୁଘରେ ତୁମ ଥିବ ବହୁଟଙ୍କା 

           ଗାଡି କୋଠା ଆଉ ଧନ

ତୁମ ସ୍ୱାମୀ ପାଖେ ହାତ ଯୋଡୁଥିବେ

           କେତେକେତେ ଅଧସ୍ତନ

ହସି ମୁଁ କହିଲି ଏସବୁ ରେ ମୋର

            ନାହିଁ କିଛି ପ୍ରୟୋଜନ

ସୁଶିକ୍ଷିତ ସ୍ନେହୀ ହୃଦୟଟେ ଲୋଡା

           ବୁଝିବ ଯେ ମୋର ମନ

ଦୁ:ଖୀଗରିବଙ୍କ ପାଇଁ ତା ମନରେ

             ଦୟାଭାବ ଥିବ ଭରି

ଅନାଥ ପିଲାଙ୍କୁ ସାହାଯ୍ୟ କରିବ

             ଘୃଣାଭାବ ପରିହରି

ଈଶ୍ୱରବିଶ୍ୱାସ ମଣିଷପଣିଆ 

            ଯାହା ହୃଦୟରେ ଥିବ

ସଚ୍ଚରିତ୍ର ଆଉ ସଚ୍ଚୋଟ ପିଲାଟେ

         ମୋ ଜୀବନ ସାଥୀ ହେବ