Library
ଜୀବନର ରାଜପଥେ
ଜୀବନର ରାଜପଥେ
ଜୀବନର ରାଜପଥେ
ଆଗେଇ ଚାଳିଛି ମୁଁ ଯେ କୁଆଡେ
ଜଣା ନାହିଁ ମୋତେ
ଗନ୍ତବ୍ୟ ସ୍ଥଳ ଠିକଣା କୁଆଡ଼େ ।
ଜୀବନର ରାଜପଥେ
ବୟସ ଚାଳିଛି ଗଡି ଗଡି ତା ବାଟେ
ତାକୁ ଜଣି ଅଛି ତାର ଲକ୍ଷ୍ୟ ସ୍ଥଳ ସତେ
ମୃତ୍ୟୁ ପକାଇବ ପୂର୍ଣ୍ଣଛେଦ ତା ବାଟେ ।
ଜୀବନର ରାଜପଥେ
କେତେ ହସ ଖୁସି ଯେ ଆସେ
ଆଖିରେ ଭରିଦିଏ କେତେବେଳେ ଖୁସିର ଲକ୍ଷେ ଫଗୁଣ
ପୁଣି କେତେବେଳେ ଜୀବନ ପଥେ ଛିଡା କରି ଦିଏ ଦୁଃଖର ପାହାଡ ।
ଜୀବନର ରାଜପଥେ
କେତେ ଲୋକ ଆସି ପହଞ୍ଚନ୍ତି ନିଜ ଠିକଣା ଖୋଜି ଖୋଜି ଯେ
ନିଜର କାମ ହାସଲ ପରେ
ପର କରି ଯାଆନ୍ତି କୁଆଡେ ।
ଜୀବନର ରାଜପଥେ
ସପନର ବନାନୀ ଯେ ଥାଏ କେତେ
ମନକୁ ଛୁଇଁଲା ଭଳି ହୃଦୟଟି ମିଳିଲେ
ଖୁସିର କୁସୁମରେ ପଲ୍ଲବିତ ସେହି ବନାନୀ ଯେ ।
ଜୀବନର ରାଜପଥେ
ଜୀବନ କାହାଣୀ ଗତି କରେ ଅଙ୍କାବଙ୍କା ପଥେ
ଅଛି କଣ ସାମ୍ନା ଭବିଷ୍ୟତେ
କାହାକୁ ବି ଜଣା ନ ଥାଏ ଯେ ।
ଜୀବନର ରାଜପଥେ
ଆସେ ଝଡ ଏମିତି ଯେ
ଯାହା ଗତି ପଥକୁ ଦିଏ ବଦଳାଇ କୁଆଡ଼େ
ବୁଝି ହୁଏନା ଜମାରୁ ଯେ ।
ଜୀବନର ରାଜ ପଥେ
ଭରା ଖୁସିର ସ୍ମୃତିରେ
ଦୁଃଖର କୋହରେ
ଖଟାମିଠା ଅନୁଭୂତିରେ ।
ଜୀବନର ରାଜପଥେ
ବହୁ କାହାଣୀର ପୃଷ୍ଠା ଜଡି ହୋଇ
ଲେଖା ହୁଏ ଜୀବନର ନୂଆ ବହି ଯେ
ଯାହା ନିଜକୁ ହିଁ ପଢିବାକୁ ପଡେ ଯେ ।
ଜୀବନର ରାଜପଥେ
କେତେବେଳେ ଥାଏ ପ୍ରେମର ଘରଟିଏ
ତ ପୁଣି କାହା ଜୀବନେ ଥାଏ ପ୍ରତାରଣାର ଅବଶେଷ ଟେ
ବୁଝି ହୁଏନା ଜୀବନର ବାସ୍ତବତାକୁ ଯେ ।
ଜୀବନର ରାଜପଥେ
ଯେତେ ଯନ୍ତ୍ରଣା ଆସିଲେ ବି ଯେ
ଜୀବନ ଆମକୁ ହାରିବାକୁ ଦିଏ ନାହିଁ କେବେ
ଗୋଟିଏ ବାଟ ବନ୍ଦ ହେଲେ ବଞ୍ଚିବାର ନୂତନ ପଥ ଦେଖାଏ ।
