Library
ଜୀବନର ମାନେ କ'ଣ
ଜୀବନର ମାନେ କ'ଣ
ଜୀବନର ମାନେ କ'ଣ
ଖାଲି ପରସ୍ପରକୁ ଠକିବା
ପରସ୍ପରକୁ ଧୋକା ଦେବା ।
ଜୀବନର ମାନେ କ'ଣ
ଖାଲି ପରସ୍ପର ମଧ୍ୟେ
ଦ୍ଵନ୍ଦ୍ଵ ଯୁଦ୍ଧେ ଲିପ୍ତ ରହିବା
ପରସ୍ପରକୁ ଈର୍ଷା କରିବା ।
ଜୀବନର ମାନେ କ'ଣ
କେବଳ ସ୍ଵାର୍ଥ ଦେଖିବା
ଦେଶ ଓ ସମାଜକୁ ଭୁଲିଯିବା ।
ଜୀବନର ମାନେ କ'ଣ
ନିଜେ ସୁଖେ ରହି
ଆତ୍ମୀୟ ସ୍ଵଜନ ଙ୍କୁ ଭୁଲିଯିବା
ସଖା ସହୋଦର ଓ ପଡୋଶୀଙ୍କୁ
ପର କରିଦେବା ।
ଜୀବନର ମାନେ କ'ଣ
ଆମ ନିଜ
ସଂସ୍କାର ଓ ସଂସ୍କୃତି କୁ ଭୁଲିଯିବା
ପ୍ରଥା ଓ ପରମ୍ପରା କୁ ଜଳାଞ୍ଜଳି ଦେବା
ସଭ୍ୟତା ନାମେ
ମାତୃଭୂମି ଓ ମାତୃଭାଷାକୁ ଭୁଲିଯିବା ।
ଜୀବନର ମାନେ କ'ଣ
ସାମୂହିକତାକୁ ଭୁଲି
ସ୍ଵାର୍ଥପର ହୋଇଯିବା
ନିଜ ପିଲାଛୁଆଙ୍କୁ ଦେଖି
ଅନ୍ୟମାନଙ୍କୁ ଘୃଣା କରିବା ।
ଜୀବନର ମାନେ କ'ଣ
ନୀତି ଆଦର୍ଶ କୁ ଭୁଲି
ଅନ୍ୟାୟ ଅନୀତି ଓ ଦୁର୍ନୀତି କୁ
ସ୍ଵାର୍ଥ ପାଇଁ ଆପଣେଇ ନେବା
ନିଜ କର୍ତ୍ତବ୍ୟ ଓ ଦାୟିତ୍ଵ ନିକଟରେ
ମାଲିସ୍ ଓ ସାଲିସ୍ କରିବା ।
ଜୀବନର ମାନେ କ'ଣ
ଶୋଷଣ ଓ କଷଣ କୁ ଆପଣେଇବା
ପୁଞ୍ଜିବାଦର ପଞ୍ଝା ତଳେ ରହି
ସମାଜ ବାଦ ର କଣ୍ଠ ରୋଧ କରିବା
ପୁଞ୍ଜିପତି ଓ ଶିଳ୍ପ ପତିଙ୍କର ଚାଟୁକାର ସାଜିବା ।
