ଜୀବନର ଗୀତି
ଜୀବନର ଗୀତି
ଅତୀତ ଏମିତି ଅଭୁଲା ସ୍ମୃତି ମୋ'
ସାଉଣ୍ଟୁଥାଏ ମୁଁ ନିତି
କେତେବେଳେ ସିଏ ମନେ ଭରେ ଆଶା
କେବେ ପୁଣି ଭିନ୍ନ ସ୍ଥିତି ।
ବର୍ତ୍ତମାନ, ମୋର ସମୟ ଖେଳରେ
ଯାଇଅଛି କାହିଁ ହଜି
ପଥହରା ମୁହିଁ ବିବଶ ପଥିକ
ପାଉନାହିଁ ତାକୁ ଖୋଜି ।
ଭବିଷ୍ୟତ ମୋର ସୂର୍ଯ୍ୟ ଠାରୁ ଦୂରେ
ଅଟେ ଅନ୍ଧକାର ଭରା
କି ଅବା କରିବି ମୁହିଁ ଯେ' ନିୟତି
ହାତର କଣ୍ଢେଇ ପରା ।
ତଥାପି ହାରିନି ଜୀବନ ଯାତ୍ରାରେ
ଆଗେଇ ଚାଲିଛି ନିତି
ଆଖିର ଲୁହରେ ସଜେଇ ଲେଖୁଛି
ମୋର ଜୀବନର ଗୀତି ।